IHubo 41:1-13
Kumqondisi wokuhlabela. Ihubo likaDavida.
41 Uyathokoza umuntu onceda abahluphekayo.+
UJehova uzamkhulula nxa esesebunzimeni.
2 UJehova uzamlinda, avikele impilo yakhe.
Kuzathiwa uyathokoza emhlabeni.+
Awusoze umnikele ezitheni zakhe.+
3 UJehova uzamsekela nxa egula,+Uzamnakekela ekuguleni kwakhe.
4 Yikho ngathi: “Woba lomusa kimi, awu Jehova.+
Ngisilisa+ ngoba ngonile kuwe.”+
5 Kodwa izitha zami zikhuluma kubi ngami zisithi:
“Uzakufa nini ibizo lakhe likhohlakale?”
6 Nxa omunye wabo ezongibona, ufika akhulume amanga.
Uyadinga okubi azakukhuluma ngami,Abesehamba ekufafaza indawo yonke.
7 Bonke abangizondayo bayanyenyezelana,Babumba icebo lokungilimaza besithi:
8 “Wehlelwe luhlupho olwesabekayo,Usewile, kasoze aphinde avuke.”+
9 Lomuntu obengumngane wami ebengimthemba,+Umuntu obesidla lami, usengihlamukele.*+
10 Kodwa wena Jehova, ngicela ube lomusa kimi ungivuseUkuze ngiphindisele kubo.
11 Nxa isitha singasenelisi ukunginqoba,+Ngizakwazi ukuthi uyathokoza ngami.
12 Kodwa mina uyangiphakamisa ngenxa yokuthi ngiqotho,+Uzangigcina ngiphambi kwakho kokuphela.+
13 Kwangathi uJehova uNkulunkulu ka-Israyeli angadunyiswaKuze kube nini lanini.+
Ameni, Ameni.
Amabala angaphansi
^ NgesiHebheru, “usengiphakamisele isithende sakhe.”
