IHubo 38:1-22
Ihubo likaDavida, elokukhumbuza.
38 Awu Jehova, ungangikhuzi ngolaka,Ungangiqondisi uzondile,+
2 Ngoba imitshoko yakho ingigwaze yatshona,Isandla sakho singifithizele.+
3 Umzimba wami wonke ubuhlungu ngenxa yentukuthelo yakho.
Angilakuthula ngaphakathi kwami* ngenxa yesono sami.+
4 Sengicwile phakathi kwezono zami,+Zinjengomthwalo osindayo, angisenelisi ukuzithwala.
5 Izilonda zami zinuka phu futhi ziphihlika ubomvuNgenxa yobuthutha bami.
6 Ngikhathazekile futhi ngidane kakhulu,Ngitshona ngidanile ilanga lonke.
7 Ngiyatsha ngaphakathi,Umzimba wami wonke ubuhlungu.+
8 Sengimdambiyana futhi ngicobekile,Ubuhlungu obusenhliziyweni yami benza ngibubule ngikhale.
9 Awu Jehova, uyakwazi konke engikufisayo,Loba nini nxa ngibubula uyangizwa.
10 Inhliziyo yami itshaya kakhulu, angiselamandla.
Amehlo ami asefiphele.*+
11 Abangane bami labantu ebengibajayele sebengibalekela ngenxa yokuhlupheka kwami,Abangane bami abaseduze sebemela khatshana.
12 Labo abazingela impilo yami bayangithiya.
Abazama ukungilimaza bakhuluma ngokungibulala,+Bayanyenyezelana ilanga lonke bebumba amacebo okungiqila.
13 Kodwa mina angizange ngibalalele, ngenze angathi ngiyisacuthe,+Angizange ngiwuvule umlomo wami, kwaba angathi ngiyisimungulu.+
14 Senginjengomuntu ongezwayo endlebeni,Ongeke atsho lutho ngomlomo wakhe ezivikela.
15 Ngalindela wena Jehova,+Njalo wangiphendula, Jehova Nkulunkulu wami.+
16 Ngathi: “Kabangathokozi ngokuwa kwami,Kabangazikhukhumezi nxa ngingatshelela.”
17 Kwasekusele kancane ukuthi ngiwe,Ngasengihlala ngisizwa ubuhlungu.+
18 Ngasivuma isono sami,+Ngangikhathazekile ngokona kwami.+
19 Kodwa izitha zami ziqinile futhi zilamandla,Sebebanengi abangizonda kungelasizatho.
20 Ngabenzela okuhle kodwa bona bangibuyisela ngokubi,Babengiphikisa ngenxa yokuthi ngenza okuhle.
21 Ungangilahli Jehova,Awu Nkulunkulu, ungaqhubeki ukhatshana lami.+
22 Woza masinyane uzonginceda,Awu Jehova msindisi wami.+
Amabala angaphansi
^ NgesiHebheru, “emathanjeni ami.”
^ NgesiHebheru, “Ukukhanya kwamehlo ami akusekho.”
