IHubo 37:1-40
Ihubo likaDavida.
א [Aleph]
37 Ungathukutheli* ngenxa yabantu ababi,Ungabahawukeli abantu abenza okubi.+
2 Bazaswaba masinyane njengotshani,+Babune njengotshani obuluhlaza.
ב [Beth]
3 Themba uJehova wenze okuhle,+Hlala emhlabeni, uthembeke.+
4 Thokoza kakhulu ngenxa kaJehova,Yena uzakupha lokho okufisayo.
ג [Gimel]
5 Vumela uJehova akuqondise,+Thembela kuye, yena uzakusiza.+
6 Uzakwenza ukulunga kwakho kukhazimule njengelanga liphuma,Enze lezinto ezinhle ozenzayo zikhanye njengelanga emini.
ד [Daleth]
7 Thula phambi kukaJehova,+Umlindele ngesineke.
Ungamzondeli umuntu omubiNxa ephumelela ukwenza akucabangileyo.+
ה [He]
8 Yekela ukuzonda, utshiye ulaka.+
Ungacaphuki ucine ususenza okubi,*
9 Ngoba abantu abenza okubi bazatshabalaliswa,+Kodwa labo abathemba uJehova bazakudla ilifa lomhlaba.+
ה [Waw]
10 Sekusele isikhathi esincane nje ukuthi ababi babe bengasekho.+
Uzakuthi ukhangela lapho ababekhona,Ubone bengasekho.+
11 Kodwa abathobekileyo* bazakudla ilifa lomhlaba.+
Bazathokoza kakhulu ngoba kuyabe sekulokuthula okukhulu.+
ז [Zayin]
12 Umuntu omubi ubumba amacebo okuhlasela umuntu olungileyo,+Uyazonda kakhulu nxa embona.*
13 Kodwa uJehova uzamhlekaNgoba uyakwazi ukuthi usuku lokubhujiswa kwakhe luzafika.+
ח [Heth]
14 Ababi bakhokha inkemba zabo lemitshoko yaboUkuze bamlahle phansi ocindezelwayo lodubekayo,Babulale abalungileyo.
15 Kodwa inkemba zabo zizagwaza bona enhliziyweni.+
Lamadandili* abo azakwephuka.
ט [Teth]
16 Kungcono okulutshwana okomuntu olungileyo,Kulokunengi okomuntu omubi,+
17 Ngoba izingalo zomuntu omubi zizakwephulwa,Kodwa uJehova uzamsekela umuntu olungileyo.
י [Yod]
18 UJehova uyabubona ubunzima obehlela abantu abalungileyo.
Ilifa labo lizahlala kuze kube phakade.+
19 Abasoze bayangiswe ngezikhathi ezinzima,Langesikhathi sendlala bazabe belokudla okunengi.
כ [Kaph]
20 Kodwa abantu ababi bazatshabalala,+Izitha zikaJehova zizanyamalala njengamadlelo amahle,Zizanyamalala njengentuthu.
ל [Lamed]
21 Umuntu omubi uboleka angabuyiseli,Kodwa umuntu olungileyo ulomusa futhi uyaphana.+
22 Labo ababusiswe nguNkulunkulu bazakudla ilifa lomhlaba,Kodwa labo abathukwe nguye bazasuswa.+
מ [Mem]
23 UJehova uyamtshengisa umuntu indlela okumele ahambe ngayo+Nxa akwenzayo kumthokozisa.+
24 Lanxa angawa kasoze abhazalale+Ngoba uJehova umbambe ngesandla.+
נ [Nun]
25 Ngangimncane, khathesi sengimdala,Kodwa angikaze ngibone olungileyo elahliwe,+Loba abantwabakhe beswele ukudla.+
26 Ubolekisa ngesihle.+
Abantwabakhe bazathola izibusiso.
ס [Samekh]
27 Balekela okubi wenze okuhle,+Ungenza njalo uzaphila kuze kube nini lanini,
28 Ngoba uJehova uthanda ukwahlulela okuhle,Kasoze abalahle abaqotho kuye.+
ע [Ayin]
Bazahlala belindiwe,+Kodwa abantwana balabo abenza okubi bazabhujiswa.+
29 Abalungileyo bazakudla ilifa lomhlaba,+Bahlale kuwo kuze kube nini lanini.+
פ [Pe]
30 Umlomo womuntu olungileyo ukhuluma amazwi okuhlakanipha,Ulimi lwakhe lukhuluma okulungileyo.+
31 Umthetho kaNkulunkulu wakhe usenhliziyweni yakhe,+Inyawo zakhe azisoze zitshelele.+
צ [Tsade]
32 Omubi ucathamela umuntu olungileyoEfuna ukumbulala.
33 Kodwa uJehova kasoze anikele olungileyo esandleni somubi,+Kumbe amthole elecala nxa esahlulela.+
ק [Qoph]
34 Themba uJehova uhambe endleleni yakhe,Uzakubusisa akunike ilifa lomhlaba.
Wena uzakubona lokhu+ nxa ababi sebesusiwe.+
ר [Resh]
35 Ngake ngabona umuntu ololunyaEphumelela njengesihlahla esikhula kuhle emhlabathini waso.+
36 Kodwa ngesikhatshana nje wayengasekho esefile.+
Ngaqhubeka ngimdinga kodwa angizange ngimthole.+
ש [Shin]
37 Nanzelela umuntu ongelasici,Uqhubeke ukhangele umuntu olungileyo,+Ngoba ikusasa lakhe lizabe lilokuthula.+
38 Kodwa zonke izoni zizatshabalaliswa,Abantu abenza okubi bazabhujiswa.+
ת [Taw]
39 UJehova uyabasindisa abantu abalungileyo,+Uyindawo abangacatsha kuyo ngezikhathi ezinzima.+
40 UJehova uzabanceda futhi abakhulule.+
Uzabakhulula komubi abasindiseNgoba baphephela kuye.+
Amabala angaphansi
^ Kumbe, “Ungafuthelani.”
^ Ezinye inguqulo zithi, “Ungacaphuki, ngoba lokho kukhokhelela ebubini kuphela.”
^ Kumbe, “abamnene.”
^ NgesiHebheru, “Umgedlela amazinyo.”
^ Khangela iNgcazelo Yamabala.
