IHubo 32:1-11
Ihubo likaDavida. Imaskili.*
32 Uyathokoza umuntu osexolelwe isiphambeko sakhe, lowo osethethelelwe isono sakhe.+
2 Uyathokoza umuntu ongatholakali elecala kuJehova,+Lowo olenhliziyo engelabuqili.
3 Ngesikhathi ngithule, amandla ami aphela ngenxa yobuhlungu engangibuzwa ilanga lonke,+
4 Ngoba isandla sakho sasiphezu kwami, singisinda* ubusuku lemini.+
Amandla ami anyamalala njengamanzi etshiswa lilanga lehlobo. (Selah)
5 Ngacina ngisivuma isono sami,Angilifihlanga icala lami.+
Ngathi: “Ngizavuma iziphambeko zami kuJehova.”+
Wena wasuthethelela iziphambeko lezono zami.+ (Selah)
6 Yikho bonke abantu abaqotho bezakhuleka kuwe+Ngesikhathi usatholakala.+
Lapho-ke lenhlupho ezinjengezikhukhula zamanzi azisoze zibafice.
7 Uyindawo yami yokucatsha,Uzangivikela ngezikhathi ezinzima.+
Uzangenza ngibe phakathi kwabantu abamemeza ngentokozo ngenxa yokusindisa kwakho.+ (Selah)
8 Wena wathi, “Ngizakwenza ube lokuqedisisa njalo ngikufundise indlela okumele uhambe ngayo.+
Ngizakweluleka futhi ngikulinde.+
9 Ungabi njengebhiza loba imbongolo* ngoba khona akuzwisisi.+
Kumele ukuqondise ngamatomuUkuze kukulalele.”
10 Kunengi okukhathaza abantu ababi,Kodwa uJehova uyabavikela labo abamthembayo ngoba ulothando oluqotho.+
11 Thokozani ngoJehova lijabule lina abalungileyo,Memezani ngentokozo lina lonke eliqotho enhliziyweni.
Amabala angaphansi
^ Khangela iNgcazelo Yamabala.
^ Kumbe, “Ngoba intukuthelo yakho yayingisinda.”
^ Le yinyamazana ezalwa libhiza lobabhemi.
