IHubo 28:1-9
-
Umthandazo womhubi uyaphendulwa
-
“UJehova ungamandla ami lehawu lami” (7)
-
Ihubo likaDavida.
28 Ngiqhubeka ngikubiza, awu Jehova Dwala lami,+Ungavali indlebe zakho.
Nxa ungayekela ukungiphendula,Ngizafana lalabo abasengcwabeni.*+
2 Ngicela ungizwe nxa ngikhala kuwe ngicela uncedo,Nxa ngiphakamise izandla ngikhangele endlini engaphakathi esendaweni yakho engcwele.+
3 Ungangihuduli ndawonye lababi, labo abahlala besenza okubi,+Abakhuluma kuhle labomakhelwane babo kodwa belamacebo amabi ezinhliziyweni zabo.+
4 Banike umvuzo wezenzo zabo,+Umvuzo ohambelana lezinto ezimbi abazenzileyo.
Banike umvuzo wemisebenzi yezandla zabo,Kusiya ngalokho abakwenzileyo,+
5 Ngoba abazihluphi ngalokho okwenziwe nguJehova,+Langemisebenzi yezandla zakhe.+
Yena uzabawisela phansi angabavusi.
6 Kadunyiswe uJehovaNgoba usekuzwile ukukhala kwami ngicela uncedo.
7 UJehova ungamandla ami+ lehawu lami,+Ngimthemba ngenhliziyo yami yonke.+
Ungincedile, yikho inhliziyo yami ithokoza,Ngizahlabela ingoma ngimdumise.
8 UJehova ungamandla abantu bakhe,Uyinqaba, usindisa ogcotshiweyo wakhe ngendlela emangalisayo.+
9 Khulula abantu bakho, ubusise ilifa lakho.+
Beluse njalo ubathwale ezingalweni zakho kuze kube nini lanini.+
Amabala angaphansi
^ NgesiHebheru, “abasegodini.”
