IHubo 21:1-13
Kumqondisi wokuhlabela. Ihubo likaDavida.
21 Awu Jehova, inkosi iyathokoza ngenxa yamandla akho.+
Iyathokoza kakhulu ngenxa yokuthi uyayisindisa!+
2 Uyinike lokho ebikufisa,+Awuzange uyincitshe lokho ekucelileyo. (Selah)
3 Uyinika izibusiso ezinhle,Uyigqokisa umqhele wegolide elihlambulukileyo.*+
4 Icele impilo wayipha,+Uyiphe impilo ende, impilo engapheliyo.
5 Inkazimulo yayo inkulu ngoba uyisindisile.+
Uyenza ibe lesithunzi futhi ihlonitshwe.
6 Uyayibusisa kuze kube nini lanini,+Uyenza ithokoze ngoba useduze layo.+
7 Inkosi ithembele kuJehova,+Ayisoze inyikinywe+ ngoba oPhezukonke ulothando oluqotho.
8 Isandla sakho sizazibamba zonke izitha zakho,Isandla sakho sokudla sizabamba bonke abakuzondayo.
9 Ngesikhathi osikhethileyo uzabatshabalalisa angathi ubaphosele esithandweni somlilo ovuthayo.
UJehova uzabathukuthelela ababhubhise, umlilo uzabaqeda bonke.+
10 Izizukulwane zabo uzazitshabalalisa emhlabeni,Labantwababo ubaqede ebantwini,
11 Ngoba bebehlose ukwenza okubi kuwe.+
Babumbe amacebo angasoze aphumelele.+
12 Uzabenza babaleke+Ngokubakhombela ngomtshoko wakho.
13 Awu Jehova, sukuma utshengise amandla akho.
Sizahlabela sibabaze amandla akho amakhulu.
Amabala angaphansi
^ Kumbe, “elicengekileyo.”
