IHubo 145:1-21
Ingoma kaDavida yokudumisa.
א [Aleph]
145 Ngizakudumisa Nkosi Nkulunkulu wami,+Ngizalidumisa ibizo lakho kuze kube nini lanini.+
ב [Beth]
2 Ngizakudumisa ilanga lonke,+Ngizalidumisa ibizo lakho kuze kube nini lanini.+
ג [Gimel]
3 UJehova mkhulu futhi ufanele ukudunyiswa,+Kakho ongazwisisa ukuthi mkhulu kangakanani.+
ד [Daleth]
4 Izizukulwane lezizukulwane zizadumisa imisebenzi yakho,Zizakhuluma ngezenzo zakho zamandla.+
ה [He]
5 Zizakhuluma ngobukhosi bakho obukhazimulayo,+Njalo mina ngizacabangisisa ngemisebenzi yakho emangalisayo.
ו [Waw]
6 Zizakhuluma ngezenzo zakho ezimangalisayo,*Njalo mina ngizamemezela ubukhulu bakho.
ז [Zayin]
7 Kazisoze ziwuvale umlomo nxa zikhumbula ubuhle bakho obumangalisayo,+Zizamemeza ngentokozo ngenxa yokulunga kwakho.+
ח [Heth]
8 UJehova ulozwelo* lesihawu,+Uyaphuza ukuthukuthela njalo uthando lwakhe oluqotho lukhulu.+
ט [Teth]
9 UJehova ulomusa kubo bonke,+Isihawu sakhe siyakhanya kukho konke akwenzayo.
י [Kaph]
10 Yonke imisebenzi yakho izakukhazimulisa Jehova,+Labaqotho bakho bazakudumisa.+
כ [Lamed]
11 Bazamemezela ngenkazimulo yobukhosi bakho,+Bakhulume langamandla akho,+
ל [Lamed]
12 Ukuze abantu bayazi imisebenzi yakho yamandla,+Lenkazimulo emangalisayo yobukhosi bakho.+
מ [Mem]
13 Ubukhosi bakho buzahlala kuze kube nini lanini,Lombuso wakho uzahlala ukhona kuzo zonke izizukulwane.+
ס [Samekh]
14 UJehova uyabavusa bonke abawayo,+Uyabasukumisa bonke abangaselamandla.+
ע [Ayin]
15 Konke okuphilayo kuthembele kuwe,Ukunika ukudla ngesikhathi esifaneleyo.+
פ [Pe]
16 Uvula isandla sakhoUsuthise izifiso zakho konke okuphilayo.+
צ [Tsade]
17 Zonke izindlela zikaJehova zilungile,+Uqotho kukho konke akwenzayo.+
ק [Qoph]
18 UJehova useduze labantu bonke abambizayo,+Useduze labo bonke abambiza ngeqiniso.+
ר [Resh]
19 Usuthisa izifiso zalabo abamesabayo,+Uyakuzwa ukukhala kwabo becela uncedo abesebakhulula.+
ש [Shin]
20 UJehova uyabalinda bonke abamthandayo,+Kodwa bonke ababi uzabatshabalalisa.+
ת [Taw]
21 Umlomo wami uzamdumisa uJehova,+Kwangathi konke okuphilayo kungadumisa ibizo lakhe elingcwele kuze kube nini lanini.+
