IHubo 12:1-8
-
UJehova uzaphakama asindise abayanga
-
Amazwi kaNkulunkulu ahlambulukile (6)
-
Kumqondisi wokuhlabela. Kumele lihlatshelwe ngetshuni yeSheminithi.* Ihubo likaDavida.
12 Awu Jehova ngisindisa ngoba akuselamuntu oqotho,Abathembekileyo abasekho.
2 Abantu baqambelana amanga,Bayayengana njalo imilomo yabo iveza ubuqili obusezinhliziyweni zabo.+
3 UJehova uzabaquma imilomo bonke abayenga abanye,Uzabaquma ulimi labo abazigqajayo,+
4 Labo abathi: “Sizanqoba ngamazwi ethu.
Sikhuluma loba yini esiyifunayo,Akula ongasibusa.”+
5 “Ngenxa yokuthi abahluphekayo bayacindezelwa,Labayanga bayakhala,+Ngizaphakama ngibasindise,” kutsho uJehova.
“Ngizabakhulula kulabo ababahlukuluzayo.”
6 Amazwi kaJehova ahlambulukile,+Anjengesiliva esicengwe esithandweni somlilo, sahlanjululwa kasikhombisa.
7 Uzabavikela awu Jehova,+Uzavikela ngamunye wabo ebantwini laba* kuze kube nini lanini.
8 Abantu ababi bazihambela bekhululekile,Ngoba amadodana abantu ayazamukela izinto ezimbi.+
