IHubo 118:1-29
118 Bongani uJehova ngoba muhle,+Uthando lwakhe oluqotho luhlala kuze kube nini lanini.
2 Abako-Israyeli kabathi:
“Uthando lwakhe oluqotho luhlala kuze kube nini lanini.”
3 Abendlu ka-Aroni kabathi:
“Uthando lwakhe oluqotho luhlala kuze kube nini lanini.”
4 Labo abesaba uJehova kabathi:
“Uthando lwakhe oluqotho luhlala kuze kube nini lanini.”
5 Ngambiza uJah* ngesikhathi ngisebunzimeni,UJah wangiphendula, wangisa endaweni evikelekileyo.*+
6 UJehova ulami, angisoze ngesabe.+
Umuntu angangenzani?+
7 UJehova ulami ukuze angisize,*+Abangizondayo ngizababona benqotshwa.+
8 Kungcono ukuphephela kuJehovaKulokuthemba abantu.+
9 Kungcono ukuphephela kuJehovaKulokuthemba izikhulu.*+
10 Zonke izizwe zangihanqa,Kodwa ngebizo likaJehovaNgazixotsha.+
11 Zangihanqa macele wonke,Kodwa ngebizo likaJehovaNgazixotsha.
12 Zangigcwalela njengenyosi,Kodwa zatshabalala zaphela masinyane njengomlilo wameva.
Ngebizo likaJehovaNgazixotsha.+
13 Zangifuqa ngamandla zifuna ngiwe,Kodwa uJehova wangisiza.
14 UJah ungamandla ami lendawo yami yokuhlala,Usebe yinsindiso yami.+
15 Ematendeni abantu abalungileyoKuzwakala umsindo wokuthokoza lowokusindiswa.*
Isandla sokudla sikaJehova sitshengisa amandla aso.+
16 Isandla sokudla sikaJehova siphakeme,Isandla sokudla sikaJehova sitshengisa amandla aso.+
17 Angisoze ngife, ngizaqhubeka ngiphilaUkuze ngimemezele imisebenzi kaJah.+
18 UJah ungijezise kabuhlungu,+Kodwa kazange anginikele ekufeni.+
19 Ngicela ungivulele amagedi okulunga,+Ngizangena ngawo ngidumise uJah.
20 Leli ligedi likaJehova.
Abalungileyo bazangena ngalo.+
21 Ngizakudumisa ngoba wangiphendula,+Waba yinsindiso yami.
22 Ilitshe elaliwa ngabakhi,Selibe lilitshe eliyisiqokoqela.*+
23 Livela kuJehova,+Njalo liyamangalisa emehlweni ethu.+
24 Leli lilanga elibekwe nguJehova,Sizajabula sithokoze ngalo.
25 Jehova siyakuncenga sisindise!
Jehova sicela usenze sinqobe!
26 Ubusisiwe lowo oza ngebizo likaJehova.+
Siyalibusisa sisendlini kaJehova.
27 UJehova unguNkulunkulu,Usinika ukukhanya.+
Ngenani odwendweni lwalabo abaya edilini* bethwele ingatsha ezandleni,+Lihambe lize liyefika empondweni ze-alithare.+
28 Wena unguNkulunkulu wami, ngizakudumisa.
UnguNkulunkulu wami, ngizakuphakamisa.+
29 Bongani uJehova+ ngoba muhle,Uthando lwakhe oluqotho luhlala kuze kube nini lanini.+
