IHubo 110:1-7
Ihubo likaDavida.
110 UJehova wathi eNkosini yami:
“Hlala esandleni sami sokudla,+Ngize ngenze izitha zakho zibe yisenabelo* senyawo zakho.”+
2 UJehova uzakwelula intonga yamandla akho isuka eZiyoni, esithi:
“Hamba uyenqoba izitha zakho.”+
3 Abantu bakho bazazinikela ngokuthanda kwabo mhla amabutho akho ephuma esiya empini.
Uleqembu lakho lamajaha elinjengamazolo akhithika emadabukakusa,Lingcwele futhi liyakhazimula.
4 UJehova ufungile, kasoze atshintshe ingqondo, uthe:
“Wena ungumphristi kuze kube nini lanini+Ngendlela kaMelikhizedekhi!”+
5 UJehova uzakuba sesandleni sakho sokudla,+Uzachoboza amakhosi ngosuku lolaka lwakhe.+
6 Uzajezisa izizwe,+Agcwalise ilizwe ngezidumbu.+
Uzachoboza umkhokheli welizwe elikhulu.*
7 Uzanatha* esifuleni esiseceleni komgwaqo.
Abesephakamisa ikhanda ethokoza.
