IHubo 106:1-48
106 Dumisani uJah!*
Bongani uJehova ngoba muhle,+Uthando lwakhe oluqotho luhlala kuze kube nini lanini.+
2 Kambe ngubani ongakulandisa konke uJehova akwenze ngamandla akhe?
Ngubani ongamemezela zonke izenzo zakhe ezibabazekayo?+
3 Bayathokoza labo abenza okulungileyo,Abahlala besenza okuhle.+
4 Awu Jehova, ngicela ungikhumbule nxa ususiba lomusa ebantwini bakho.+
Nginakekela futhi ungisindise,
5 Ukuze ngikuthole okuhle okunika abantu bakho obakhethileyo,+Ngithokoze lesizwe sakho,Ngizigqaje ngikudumisa labantu abalilifa lakho.
6 Sonile njengabokhokho bethu,+Siphambanisile, senza okubi.+
7 Okhokho bethu eGibhithe abazange bayiqakathekise imisebenzi yakho emangalisayo.
Abalukhumbulanga uthando lwakho oluqotho futhi olukhulu,Bahlamuka elwandle, eLwandle Olubomvu.+
8 Kodwa yena wabasindisa ngenxa yebizo lakhe,+Ukuze enze amandla akhe aziwe.+
9 Wakhuza uLwandle Olubomvu loma qha,Wabakhokhela bedabula enzikini yolwandle angathi badabula enkangala.+
10 Wabakhulula esandleni salabo ababazondayo,+Wabahluthuna esandleni sesitha.+
11 Izitha zasibekelwa ngamanzi,Kakho loyedwa owasindayo.*+
12 Yikho basikholwa isithembiso sakhe,+Baqala ukuhlabela bemdumisa.+
13 Kodwa bakukhohlwa masinyane ayekwenzile,+Abazange bamelele ukuqondiswa nguye.
14 Balandela izifiso zabo ezimbi enkangala,+Bamlinga uNkulunkulu.+
15 Wabanika lokho ababekucela,Kodwa wasebatshaya ngomkhuhlane owabaqeda amandla wababulala.+
16 Baba lomhawu ngoMosi ematendeni,Lango-Aroni,+ ongcwele kaJehova.+
17 Umhlaba wavuleka waginya uDathani,Wasibekela lalabo ababebuthene lo-Abhiramu.+
18 Kwavutha umlilo eqenjini labo,Ilangabi lalobisa bonke ababi.+
19 Benza ithole eHorebhi,Bakhothamela isithombe sensimbi.+
20 Bathatha udumo lwamiBalunika isithombe senkunzi, inyamazana edla utshani.+
21 Bamkhohlwa uNkulunkulu+ wabo owabasindisayo,Owenza izimangaliso eGibhithe,+
22 Wenza imisebenzi emangalisayo elizweni likaHamu,+Lezenzo ezesabekayo eLwandle Olubomvu.+
23 Wathi esefuna ukubabhubhisa,UMosi inceku yakhe ayikhethayo yamncenga* ukuthi axole,Angabatshabalalisi ngolaka lwakhe.+
24 Ngemva kwalokho beyisa ilizwe elihle,+Abazange basikholwe isithembiso sakhe.+
25 Baqhubeka bekhonona ematendeni abo,+Abalilalelanga ilizwi likaJehova.+
26 Waphakamisa isandla sakhe wafungaUkuthi wayezakwenza bafele enkangala,+
27 Enze izizukulwane zabo zisabalale ezizweni,+Njalo zifele khona.
28 Baqalisa ukukhonza uBhali wasePheyori,+Badla imihlatshelo eyayinikelwe kwabafileyo.*
29 Bamzondisa ngezenzo zabo,+Kwavela umkhuhlane omubi phakathi kwabo.+
30 Kodwa uFiniyasi wasukuma wabalamulela,Isifo saphela.+
31 Ngenxa yalokho kwathiwa ulungileKuzo zonke izizukulwane, kuze kube phakade.+
32 Bamzondisa uNkulunkulu emanzini aseMeribha,*Kwamhambela kubi uMosi ngenxa yabo.+
33 Bamcaphula uMosi,Wakhuluma engacabanganga.+
34 Abazange babatshabalalise abantu bezinye izizwe,+Lanxa uJehova wayethe babatshabalalise.+
35 Kodwa bazihlanganisa labo,+Balandela* imikhuba yabo.+
36 Baqhubeka bekhonza izithombe zabo,+Zaba ngumjibila kubo.+
37 Babenikela ngamadodanaLangamadodakazi abo emadimonini.+
38 Baqhubeka bebulala abantu abangelacala,+Benikela ezithombeni zeKhenani+Ngamadodana lamadodakazi abo,Ilizwe langcoliswa ligazi.
39 Bangcola ngenxa yezenzo zabo.
Izenzo zabo zazitshengisa ukuthi abathembekanga kuNkulunkulu.*+
40 Ngakho ulaka lukaJehova lwavutha ebantwini bakhe,Wabenyanya abantu abalilifa lakhe.
41 Wayelokhu ebanikela ezizweni,+Ukuze babuswe yizitha zabo.+
42 Izitha zabo zabacindezela,Zabusa phezu kwabo.
43 Wabakhulula kanengi,+Kodwa babelokhu bemhlamukela bengamlaleli.+
Ukona kwabo kwabalethela ihlazo.+
44 Kodwa wayekubona ukuhlupheka kwabo,+Ekuzwa ukukhala kwabo becela uncedo.+
45 Wayesikhumbula isivumelwano asenza labo,Abesebazwela* ngoba uthando lwakhe oluqotho lukhulu.+
46 Wayesenza ukuthi bonke ababathumbileyo+Babe lesihawu kubo.
47 Sisindise awu Jehova Nkulunkulu wethu,+Usiqoqe kuzo zonke izizwe+Ukuze silibonge ibizo lakho elingcwele,Sikudumise sithokoza.+
48 Kwangathi uJehova uNkulunkulu ka-IsrayeliAngadunyiswa kuze kube nini lanini.+
Bonke abantu kabathi, “Ameni!”*
Dumisani uJah!*
Amabala angaphansi
^ Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
^ Kumbe, “owasalayo.”
^ Kumbe, “yama phambi kwakhe imncenga.”
^ Lapha kutshiwo imihlatshelo eyayinikelwa ebantwini abafileyo kumbe ezithombeni.
^ Ibizo leli litsho ukuthi, “Ukuxabana.”
^ Kumbe, “Bafunda.”
^ Kumbe, “bafeba labanye onkulunkulu.”
^ Kumbe, “Abesezisola.”
^ Kumbe, “Akube njalo!”
^ Kumbe, “Haleluya!” NgesiHebheru ukuthi “Yah” kumbe “Jah” yikufitshaniswa kwebizo elithi Jehova.
