IHubo 10:1-18
ל [Lamed]
10 Awu Jehova, kungani umela khatshana?
Kungani uzifihla nxa sisebunzimeni?+
2 Ngenxa yokuzigqaja omubi uxotshanisa ohluphekayo,+Kodwa uzabanjwa ngamacebo awabumbayo.+
3 Omubi uzigqaja ngezifiso zakhe ezimbi,+Njalo ubusisa umuntu oyisihwaba.
נ [Nun]Udelela uJehova.
4 Ngenxa yokuziphakamisa kwakhe, omubi kazihluphi ngokudinga uNkulunkulu.
Engqondweni yakhe uthi: “AkulaNkulunkulu.”+
5 Uyaphumelela kukho konke akwenzayo,+Kodwa kazizwisisi izahlulelo zakho.+
Uyazihleka zonke izitha zakhe.
6 Uthi enhliziyweni yakhe: “Akulalutho oluzanginyikinya.
Kusukela kwesinye isizukulwane kusiya kwesinye,Angisoze ngikubone ukuhlupheka.”+
פ [Pe]
7 Emlonyeni wakhe kugcwele ukuthuka* lamanga lokusongela.+
Ngaphansi kolimi lwakhe kulamazwi alimazayo adala inhlupho.+
8 Ucathama eduze lemizi yabantu,Abesephuma lapho acatshe khona abulale umuntu ongelacala.+
ע [Ayin]
Uyakhangelisisa edinga umuntu angamhlasela.+
9 Njengesilwane esisesixukwini, uyalinda esendaweni acatshe kuyo.+
Ucathamela labo abangelamandla,Ababambe ngenethi yakhe abavalele phakathi.+
10 Ababambileyo ubawisela phansi abachoboze,Abangelamandla bawela ezandleni zakhe.
11 Uthi enhliziyweni yakhe: “UNkulunkulu usekhohliwe.+
Ukhangele eceleni.
Kaboni lutho.”+
ק [Qoph]
12 Sukuma awu Jehova.+ Phakamisa isandla sakho Nkulunkulu.+
Ungabakhohlwa abangelamandla.+
13 Kungani omubi edelela uNkulunkulu?Phela enhliziyweni yakhe uthi: “Awusoze ungenze lutho.”
ר [Resh]
14 Kodwa wena Nkulunkulu uyazibona inhlupho losizi.
Uyakhangela ubusulungisa.+
Abangelamandla bakhala kuwe.+
Nguwe onceda izintandane.+
ש [Shin]
15 Yephula ingalo yomuntu owenza okubi+Ukuze nxa usudinga okubi akwenzayo,Ungakutholi.
16 UJehova uyiNkosi kuze kube nini lanini.+
Izizwe sezitshabalele emhlabeni.+
ת [Taw]
17 Awu Jehova, uzabezwa abamnene nxa becela kuwe.+
Uzabalalela+ ubenze babe lesibindi.+
18 Uzakwahlulela kuhle izintandane lalabo abaphathwa kubi,+Ukuze abantu bangaphindi babethusele.+
Amabala angaphansi
^ Kumbe, “ukuqalekisa.”
