Eyesibili EkaSamuyeli 22:1-51
22 UDavida wahlabelela uJehova ingoma le+ ngelanga uJehova amkhulula ngalo esandleni sezitha zakhe+ zonke lasesandleni sikaSawuli.+
2 Wathi:
“UJehova ulidwala lami lenqaba yami,+ nguye ongikhululayo.+
3 UNkulunkulu wami ulidwala lami+ engicatsha kulo,
Ulihawu lami+ lophondo* lwami lwensindiso* futhi uyindawo yami yokuphephela evikelekileyo,*+Lendawo engibalekela kuyo,+ ungumsindisi wami+ ongikhulula ebantwini abalodlakela.
4 Ngibiza uJehova onguye ofanele ukudunyiswa,Ngizakhululwa ezitheni zami.
5 Amagagasi okufa angihanqa,+Abantu abangelancedo batheleka njengezikhukhula bangethusa.+
6 Intambo zengcwaba zangithandela,+Ukufa kwafaka imijibila phambi kwami.+
7 Ngathi ngikhathazekile ngabiza uJehova,+Ngaqhubeka ngimncenga uNkulunkulu wami.
Wangizwa esethempelini lakhe,Ukukhala kwami ngicela uncedo kwafika endlebeni zakhe.+
8 Umhlaba waqala ukuzamazama lokunyikinyeka,+Izisekelo zamazulu zagedezela,+Zanyikinyeka ngenxa yokuthukuthela kwakhe.+
9 Kwathunqa intuthu emakhaleni akhe,Kwaphuma umlilo ovuthayo emlonyeni wakhe,+Kwakhihlika lamalahle avuthayo kuye.
10 Wathi esehla amazulu agoba,+Ngaphansi kwenyawo zakhe kwakulamayezi amnyama tshu.+
11 Weza ephapha egade ikherubhi,+Wabonakala ephezu kwempiko zengilosi,+
12 Wasezembesa ngobumnyama baba litende lakhe,+Emanzini amnyama lasemayezini amnyama tshu!
13 Ekukhanyeni okwakuphambi kwakhe kwakulamalahle avuthayo.
14 UJehova wasekhwaza esemazulwini,+OPhezukonke wakhuluma ilizwi lakhe lazwakala.+
15 Watshoka imitshoko+ yakhe izitha zasabalala,Kwaphazima umbane zaphaphatheka.+
16 UJehova wakhwaza izisekelo zomhlaba zavela egcekeni,+Kwabonakala itshebetshebe engaphansi kolwandle,Ngenxa yomoya olamandla ophuma emakhaleni akhe.+
17 Wangilalamela ekhonale phezulu,Wangibamba wangikhipha emanzini atshonayo.+
18 Wangikhulula ezitheni zami ezilamandla,+Kulabo abangizondayo ababelamandla kulami.
19 Bangihlasela mhla ngisebunzimeni,+Kodwa uJehova wayelami.
20 Wangikhipha wangisa endaweni evikelekileyo,*+Wangikhulula ngenxa yokuthi wayethokoza ngami.+
21 UJehova unginika umvuzo ohambelana lokulunga kwami,+Uyangibusisa ngenxa yokuthi angilacala.*+
22 Ngizilandele izindlela zikaJehova,Njalo angizange ngimtshiye uNkulunkulu wami ngenze okubi.
23 Ngihlala ngizikhumbula izahlulelo zakhe,+Angisoze ngiphambuke emilayweni yakhe.+
24 Ngizahlala ngimsulwa+ phambi kwakhe,Angisoze ngenze isono.+
25 Kwangathi uJehova anganginika umvuzo ohambelana lokulunga kwami+Kanye lobumsulwa bami phambi kwakhe.+
26 Emuntwini oqotho lawe uqotho,+Komsulwa lawe umsulwa.+
27 Kohlanzekileyo lawe uhlanzekile,+Kodwa olimenemene umtshengisa ukuthi wena uhlakaniphile.+
28 Uyabasindisa abathobekileyo,+Kodwa umelana labaziphakamisayo ubehlise.+
29 Awu Jehova, uyisibane sami!+
UJehova nguye ongikhanyiselayo nxa ngisemnyameni.+
30 Nxa ngincediswa nguwe ngingalwa lamabutho ahlaselayo,Ngamandla engiwaphiwa nguNkulunkulu ngingakhwela umduli.+
31 Indlela kaNkulunkulu weqiniso iphelele,+Amazwi kaJehova acengekile.+Ulihawu labo bonke abaphephela kuye.+
32 Ngubani omunye uNkulunkulu ngaphandle kukaJehova?+
Ngubani olidwala ngaphandle kukaNkulunkulu wethu?+
33 UNkulunkulu weqiniso uyinqaba yami eqinileyo,+Uzakwenza indlela yami iqonde.+
34 Wenza inyawo zami zibe njengezempala,*Angimise ezindaweni eziphakemeyo.+
35 Ungiqeqetshela impi,Izandla zami zingaligobisa idandili* elenziwe ngekhopha.
36 Unginika ihawu lakho ukuze ungisindise,Ukuthobeka kwakho kwenza ngibe mkhulu.+
37 Indlela yami uyayiqhelisa,Inyawo zami azisoze zitshelele.+
38 Izitha zami ngizazixotshanisa ngizitshaye ngizibhuqe,Angisoze ngiphenduke ngingaziqedanga zonke.
39 Zizawela phansi ngizinyathele,Ngizazithanyela ziphele du, ngizichoboze zingaphindi zivuke.+
40 Uzanginika amandla okulwa empini,+Wenze izitha zami ziwe phambi kwami.+
41 Uzakwenza izitha zami zingibalekele,+Ngizabaqeda du* abangizondayo.+
42 Bakhalela uncedo kodwa akulamuntu obasizayo,Baze bakhale lakuJehova kodwa kabaphenduli.+
43 Ngizabachola babe njengothuli lomhlabathi,Ngizabagxoba ngibanyathenyathele njengodaka olusemgwaqweni.
44 Wena uzangikhulula ebantwini bami abangibeka icala.+Uzangivikela ukuze ngibe ngumkhokheli wezizwe,+Abantu engingabaziyo bazangisebenzela.+
45 Abezinye izizwe bazabuya kimi betshotshobele.+
Lokho abazakuzwa ngami kuzakwenza bangilalele.
46 Abezinye izizwe bazakwesaba,Baphume ezinqabeni zabo babuye kimi beqhaqhazela.
47 UJehova uyaphila! Kalidunyiswe iDwala lami!+
Kaphakanyiswe uNkulunkulu olidwala lami futhi ongisindisayo.+
48 UNkulunkulu weqiniso uyangiphindiselela,+Unqoba izizwe azibeke ngaphansi kwami.+
49 Uyangikhulula ezitheni zami.
Wena uyangiphakamisa+ ngibe phezu kwalabo abangihlaselayo,Ungisindise emuntwini olodlakela.+
50 Yikho ngizakubonga phakathi kwezizwe, awu Jehova!+
Ngizahlabela ngidumisa ibizo lakho.+
51 UNkulunkulu wenza izenzo ezimangalisayo ukuze asindise inkosi ayikhethileyo,+Ulothando oluqotho kogcotshiweyo wakhe,UDavida lezizukulwane zakhe kuze kube nini lanini.”+
Amabala angaphansi
^ Khangela iNgcazelo Yamabala.
^ Kumbe, “lomsindisi wami olamandla.”
^ Kumbe, “ephakemeyo.”
^ Kumbe, “enkulu.”
^ NgesiHebheru, “izandla zami zihlanzekile.”
^ Ibala lesiHebheru elisetshenziswe lapha litsho inyamazana ehambelana lempala.
^ Khangela iNgcazelo Yamabala.
^ NgesiHebheru, “Ngizabathulisa.”
