Yeqa uye kokuphakathi

Yeqa uye kokumunyethweyo

 ISIFUNDO 13

Amasalamusi Lobuthakathi Kubi

Amasalamusi Lobuthakathi Kubi

USathane ufuna ulandele izinto zamasalamusi. Abantu abanengi benzela okhokho babo loba imimoya imihlatshelo ukuze bazivikele. Benza lokhu ngoba besesaba imimoya yabantu abafayo. Bagqiza intebe loba intelezi. Balemithi abayinathayo labayigcobayo abathi ilamandla yokubavikela. Emizini yabo babethela izikhonkwane kumbe bagebhele imithi ngoba bakholelwa ukuthi ilamandla yokubavikela. Abanye basebenzisa imithi ngoba bekholwa ukuthi ingenza baphumelele kwezebhizimusi, kumihloliso yesikolo loba ukuthi bazuze uthando.

Ukuze uvikeleke kuSathane kumele ube lobungane loJehova. UJehova lezingilosi zakhe balamandla ukwedlula uSathane lamadimoni akhe. (UJakhobe 2:​19; USambulo 12:9) UJehova uzimisele ukutshengisa amandla akhe ngenxa yabangane bakhe​—bonke abaqotho ngokupheleleyo kuye.​—2 ImiLando 16:9.

Ilizwi likaNkulunkulu lithi: “Lingenzi . . . ubungoma.” UJehova uyabulahla ubuthakathi lezinto zamasalamusi ngenxa yokuthi kufaka umuntu ngaphansi kwamandla kaSathane uDevili.​—ULevi 19:26.