Benze bafise ukuzwa okunengi. Sebenzisa umbuzo, umutsho, indaba esematheni kumbe okunye okwenzakale empilweni zabanye okungenza abakulaleleyo bafise ukuzwa okunengi.

Cacisa ukuthi uzakhuluma ngani. Nxa usethula inkulumo, yenza kucace ukuthi inhloso yayo ngeyani futhi uncede abakulaleleyo bazwisise ukuthi uzakhuluma ngani.

Tshengisa ukuthi ozakhuluma ngakho kuqakatheke ngani. Yethule ngobunono indaba yakho ukuze ihambelane lalokho okudingwa ngabantu obafundisayo. Siza ngamunye wabo azwisise ukuthi izamnceda njani empilweni yakhe.