Yeqa uye kokuphakathi

Yeqa uye ku-secondary menu

Yeqa uye kokumunyethweyo

OFakazi bakaJehova

Ndebele (Zimbabwe)

Impilo Lenkonzo YamaKhristu Ugwalo Lomhlangano  |  November 2017

 IMPILO YAMAKHRISTU

Thuthukisa Indlela Otshumayela Ngayo​—Ukuphindela

Thuthukisa Indlela Otshumayela Ngayo​—Ukuphindela

KUNGANI KUQAKATHEKILE: Abantu abanengi abalalela izindaba zoMbuso bayabe bedinga iqiniso ngoNkulunkulu. (Isay 55:6) Kumele sihlale sisiyababona ukuze sibafundise. Esikwenzayo ukuze baqhubeke belesifiso sokufunda kuyatshiyana ngoba abantu balezinhlupho ezitshiyeneyo. Loba kunjalo singaphumelela nxa singalungiselela kuhle futhi sizimisele ukuqalisa isifundo seBhayibhili.

INDLELA YOKUKWENZA:

  • Zimisele ukuphindela masinyane, mhlawumbe ngemva kwensukwana.​—Mt 13:19

  • Woba lomusa lenhlonipho. Zama ukukhululeka

  • Mbingelele ngomusa. Mbize ngebizo lakhe. Mkhumbuze ukuthi kungani uphendukile; kungaba yikuzophendula umbuzo wakhe, ukumnika imagazini, ukumtshengisa iwebhusayithi yethu, ukumtshengisa ividiyo kumbe ukumtshengisa ukuthi sifunda njani iBhayibhili. Ntshintsha intshumayelo nxa efuna lixoxe ngeyinye indaba.​—Flp 2:4

  • Thelela inhlanyelo yeqiniso esenhliziyweni yakhe ngokuxoxa laye ngomcijo oseBhayibhilini kumbe umtshiyele okokubala. (1Khor 3:6) Zama ukuba lobungane laye

  • Beka isisekelo sokuphindela