Yeqa uye kokuphakathi

Yeqa uye ku-secondary menu

Yeqa uye kokumunyethweyo

OFakazi bakaJehova

Ndebele (Zimbabwe)

Impilo Lenkonzo YamaKhristu Ugwalo Lomhlangano  |  May 2016

 IMPILO YAMAKHRISTU

Uyayisebenzisa Yini I-JW Library?

Uyayisebenzisa Yini I-JW Library?

I-JW Library ngeyamahala futhi kulula ukuyisebenzisa nxa udawuniloda iBhayibhili, amabhuku, amavidiyo lokurekhodiweyo usebenzisa ifoni, i-tablet loba ikhompiyutha.

ITHOLAKALA NJANI? Hamba kuwebhusayithi yethu ubusudawuniloda i-JW Library. Ungayithola esebenza emafonini lakuma-tablet atshiyeneyo. Nxa usuyidawunilodile ungayivula ubusuzithaphela loba kuyini ofuna ukukudawuniloda kuyo. Lokhu ungakwenza usendlini yakho nxa ule-inthanethi, nxa ungelayo ungaya ema-library, eWolu YoMbuso loba e-internet cafe. Ngemva kwalokho ungenelisa ukuvula izinto oyabe uzidawunilodile lanxa ungasekho lapho okule-inthanethi. Njengoba kuhlala kufakwa izinto ezintsha ku-JW Library kufanele uhlale usiyalunguza ukuze ubone okutsha okuyabe kufakiwe.

KUNGANI KUMELE UBE LAYO? I-JW Library yenza kube lula ukuzibalela uwedwa, usemihlanganweni yebandla loba ukuyisebenzisa usekutshumayeleni. Abanye njalo bakubona kulula ukuyisebenzisa nxa bexoxa labantu abahlangane labo loba ngaphi.