Yeqa uye kokuphakathi

Yeqa uye ku-secondary menu

Yeqa uye kokumunyethweyo

OFakazi bakaJehova

Ndebele (Zimbabwe)

Impilo Lenkonzo YamaKhristu Ugwalo Lomhlangano  |  June 2017

 IMPILO YAMAKHRISTU

Landela Izimiso ZikaJehova Zokuziphatha

Landela Izimiso ZikaJehova Zokuziphatha

UJehova usiphe izimiso zokuziphatha okumele sizilandele. Ngokwesibonelo, uyasitshela ukuthi owesilisa kumele atshade lowesifazana njalo umtshado wabo akumelanga wehlukaniswe. (Mt 19:4-6, 9) Uyakuzonda konke ukuziphatha okubi. (1Khor 6:9, 10) UJehova usipha lezimiso okumele sizilandele endabeni yokugqoka lokuzilungisa ezenza singafanani labanye abantu.​—Dut 22:5; 1Tim 2:9, 10.

Abantu abanengi lamuhla abazilaleli izimiso zikaJehova. (Ro 1:18-32) Balandela okuthandwa ngabanengi endabeni yokugqoka lokuzilungisa kanye leyokuziphatha. Abanengi bayazigqaja ngempilo yamanyala abayiphilayo njalo bayabasola kakhulu labo abalalela uJehova.​—1Phe 4:3, 4.

Njengoba singoFakazi bakaJehova, kumele sibe lesibindi sokulandela izimiso zikaNkulunkulu. (Ro 12:9) Singakwenza njani lokho? Kumele sitshengise abanye lokho okufunwa nguJehova kodwa sikwenze ngenhlonipho. Lathi kumele sitshengise ngezenzo ukuthi siyamlalela uJehova. Ngokwesibonelo, nxa sikhetha impahla loba indlela esizilungisa ngayo kumele sizibuze ukuthi: ‘Indlela engikhetha ngayo itshengisa ukuthi ngilandela izimiso zikaJehova loba ezomhlaba yini? Indlela engigqoka lengizilungisa ngayo iyatshengisa yini ukuthi ngingumKhristu ohlonipha uJehova?’ Loba nxa ukhetha uhlelo loba ifilimu yokubukela, ungazibuza ukuthi: ‘UJehova angathanda yini ukuthi ngibukele uhlelo lolu? Lukhuthaza ukuziphatha okunjani? Engikukhethayo kungenza yini ukuthi ngicine ngehlulekile ukuziphatha? (Hu 101:3) Kungabakhuba yini abanye?’​—1Khor 10:31-33.

Kuqakathekile ukulandela izimiso zikaJehova zokuziphatha ngoba sekuseduze ukuthi uJesu Khristu abhubhise abantu babi. (Hez 9:4-7) Kuzasinda labo abenza intando kaNkulunkulu kuphela. (1Jo 2:15-17) Asilaleleni zonke izimiso zikaJehova zokuziphatha ukuze abantu abasikhangeleyo bamdumise.​—1Phe 2:11, 12.

Indlela engigqoka lengizilungisa ngayo iyatshengisa yini ukuthi ngilandela izimiso zikaJehova?

BUKELANI IVIDIYO ETHI WOBA NGUMNGANE KAJEHOVA​—INDODA EYODWA, LOMFAZI OYEDWA, BESELIPHENDULA IMIBUZO ELANDELAYO:

  • Kunceda ngani ukulalela izimiso zikaJehova?

  • Yindaba abazali kumele baqalise ukufundisa abantwababo izimiso zikaJehova zokuziphatha besesebancane?

  • Abasakhulayo kanye lasebekhulile bangabasiza njani abanye ukuthi babusiswe nguJehova esikhathini esizayo?