Yeqa uye kokuphakathi

Yeqa uye ku-secondary menu

Yeqa uye kokumunyethweyo

OFakazi bakaJehova

Ndebele (Zimbabwe)

Impilo Lenkonzo YamaKhristu Ugwalo Lomhlangano  |  June 2017

 IMPILO YAMAKHRISTU

Kukholise Ukutshumayela Izindaba Ezinhle

Kukholise Ukutshumayela Izindaba Ezinhle

Uyake ukuthole kunzima yini ukutshumayela? Abantu abanengi bangaphendula besithi ye. Yindaba bephendula njalo? Kungenzeka ukuthi bahlangana lobunzima kumbe ukuphikiswa nxa betshumayela kumbe besaba ukukhuluma labantu abangabaziyo. Izinto ezinjalo zingayiqeda intokozo yethu. Kodwa sikhonza uNkulunkulu ojabulayo ofuna simkhonze sijabula. (Hu 100:2; 1Tim 1:11, NW) Yiziphi izizathu ezintathu okumele zisenze sikukholise ukutshumayela?

Okokuqala, siphethe umlayezo onika abantu ithemba. Lanxa ithemba selililihlo lentwala emphakathini wethu, thina singasiza abantu ‘ngezindaba ezinhle.’ (Isay 52:7) Izindaba ezinhle zoMbuso kaNkulunkulu zenza sijabule. Ungakayi tshumayela, cabangisisa ngezibusiso esizazilethelwa nguMbuso kaNkulunkulu lapha emhlabeni.

Okwesibili, izindaba ezinhle esizitshumayelayo zinceda abantu ukuthi batshiye imikhuba elimaza imizimba yabo njalo zenza bazi ngoNkulunkulu. Lokhu kungabenza bathole ukuphila okungapheliyo. (Isay 48:17, 18; Ro 1:16) Umsebenzi wethu ngowokunceda abantu bathole ukuphila. Lanxa abanye bengasilaleli, asibi madolo nzima.—Mt 10:11-14.

Okwesithathu njalo okuqakatheke kakhulu yikuthi ukutshumayela kwethu kudumisa uJehova. Uyathokoza kakhulu ngomsebenzi wokufakaza esiwenzayo. (Isay 43:10; Heb 6:10) Uyasinika umoya wakhe ongcwele ukuze usisize emsebenzini lo. Cela uJehova akuphe umoya ongcwele ukuze ube lentokozo. (Gal 5:22) Ngosizo lukaJehova singenelisa ukunqoba ukwesaba njalo sitshumayele ngesibindi. (ImiSeb 4:31) Lanxa abantu esibatshumayezayo bengalaleli, sizakukholisa ukutshumayela.—Hez 3:3.

Ufuna ukuwenza njani umsebenzi wokutshumayela?

Ungatshengisa njani ukuthi uyathokoza?

BUKELANI IVIDIYO ETHI UKUVUSELELA INTOKOZO NGOKUTADITSHA LOKUCABANGISISA, BESELIPHENDULA IMIBUZO ELANDELAYO:

  • Kungani kumele sikuqakathekise ukutaditsha lanxa sitshona ekutshumayeleni?

  • Singamlingisela njani uMariya?

  • Ucabangisisa nini ngeLizwi likaNkulunkulu?

  • Kuyini okukuthokozisayo nxa utshumayela izindaba ezinhle?