Yeqa uye kokuphakathi

Yeqa uye ku-secondary menu

Yeqa uye kokumunyethweyo

OFakazi bakaJehova

Ndebele (Zimbabwe)

Impilo Lenkonzo YamaKhristu Ugwalo Lomhlangano  |  January 2016

 IMPILO YAMAKHRISTU

Ukuthuthukisa Indlela Esitshumayela Ngayo—Ukubeka Isisekelo Sokuphindela

Ukuthuthukisa Indlela Esitshumayela Ngayo—Ukubeka Isisekelo Sokuphindela

KUNGANI KUQAKATHEKILE:

Kufanele siphindele ebantwini abalesifiso sokufunda iqiniso eliseBhayibhilini ukuze siyethelela inhlanyelo esiyabe siyihlanyelile. (1Khor 3:6) Yikho kungaba kuhle ukuthi sibeke isisekelo sokuphindela ngokubuza umbuzo esizaxoxa ngawo. Lokhu kuzakwenza ukuthi umninimuzi asilindele ngabomvu ngosuku esiyabe sivumelane ngalo njalo lengxoxo yethu ayisoze iphonguba yisivukampunzana. Nxa sesiphindela, esimtshela khona nje yikuthi sesizophendula umbuzo esatshiya simphosele wona.

INDLELA YOKUKWENZA:

  • Nxa ulungiselela intshumayelo ozayisebenzisa endlini ngendlu kuqakathekile ukuthi ulungiselele lombuzo ozawuphendula nxa usuphindela. Umbuzo lo ungabe uphendulwa ebhukwini ozamtshiyela lona kumbe kwelinye lamabhuku esiwasebenzisa nxa sifundisa abantu iBhayibhili. Nxa usuphindela ungamtshengisa lapho impendulo etholakala khona ebhukwini lelo.

  • Nxa usuzayigoqa mtshele ukuthi ulesifiso sokuqhubekela phambili ngengxoxo yenu. Mbuze umbuzo oyabe uwulungiselele. Nxa kusenza ungamcela lenombolo ongamthinta kuzo.

  • Nxa ungathembisa umninimuzi ilanga ozaphenduka ngalo ungayekeli ukwenza njalo.Mt 5:37.