Yeqa uye kokuphakathi

Yeqa uye ku-secondary menu

Yeqa uye kokumunyethweyo

OFakazi bakaJehova

Ndebele (Zimbabwe)

Impilo Lenkonzo YamaKhristu Ugwalo Lomhlangano  |  February 2017

 IMPILO YAMAKHRISTU

Wasebenzise Ngokuhlakanipha Amabhuku Ethu

Wasebenzise Ngokuhlakanipha Amabhuku Ethu

UJesu wathi: “Lamukelisiwe kungelambadalo, lani phanini kungelambadalo.” (Mt 10:8) Silalela umlayo lo ngokungathengiseli abantu amabhuku ethu kanye lamaBhayibhili. (2Khor 2:17) Lanxa kunjalo, amabhuku ethu amumethe iqiniso eliligugu eliseLizwini likaNkulunkulu. Ukudinda amabhuku lokuwathumezela emabandleni emhlabeni wonke ngumsebenzi omkhulu njalo kuyadula kakhulu. Yikho kumele sithathe amabhuku esikwaziyo ukuthi sizawasebenzisa kuphela.

Kumele uwasebenzise kuhle amabhuku ikakhulu nxa utshumayela ezindaweni zomphakathi. (Mt 7:6) Kulokuthi uphongunika wonke umuntu odlulayo amabhuku zama ukuqala uxoxe laye ukuze ubone ukuthi ulaso yini isifiso sokubala. Lokhu ungakwenza ngokusebenzisa imibuzo esebhokisini eliseceleni. Nxa ungasuthiseki kungcono umnike iphetshana. Kodwa nxa umuntu engasicela imagazini loba elinye ibhuku siyamnika ngenhliziyo emhlophe.Zag 3:27, 28.