Yeqa uye kokuphakathi

Yeqa uye kokumunyethweyo

 IMPILO YAMAKHRISTU

Lina Abasakhulayo​—‘Tshisekelani Imisebenzi Emihle’

Lina Abasakhulayo​—‘Tshisekelani Imisebenzi Emihle’

UPhawuli wakhuthaza uThithusi lamanye amajaha ukuthi basebenze nzima ukuze babe ‘yizibonelo ngazo zonke izindlela emisebenzini emihle.’ (Tit 2:6, 7) Esahlukweni esifananayo waphinda wathi uJehova wazihlambululela abantu bakhe ukuze ‘batshisekele imisebenzi emihle.’ (Tit 2:14) Omunye waleyo misebenzi emihle yikufundisa lokutshumayela ngoMbuso kaNkulunkulu. Nxa ungosakhulayo ungasebenzisa amandla akho ngokuba liphayona elisizayo kumbe elesikhathi sonke.—Zag 20:29.

Nxa ufuna ukuba liphayona, hlala phansi uhlele ukuze ubone ukuthi ungakwenza njani. (Luk 14:28-30) Nanku okunye okumele ucabange ngakho: Uzayithatha ngaphi imali yokuziphilisa? Uhlelo lwakho luzakuvumela yini ukuthi ufikise isikhathi esifunekayo? Khuleka kuJehova, umncenga ukuthi akusize endabeni le. (Hu 37:5) Xoxa labazali bakho labanye asebelesikhathi bengamaphayona ngalokho osukuhlelile. Ngemva kwalokho usungathatha amanyathelo okwenza lokho okuhlelileyo futhi uJehova uzakubusisa ngenxa yentshiseko yakho.

BUKELANI IVIDIYO ETHI ABASAKHULAYO ABADUMISA UJEHOVA, BESELIPHENDULA IMIBUZO ELANDELAYO:

  • Yibuphi ubunzima abanye ababunqobayo ukuze baphayone, futhi benzani ukuze baphumelele?

  • Abazali bangenzani ukuze bancedise abantwababo babe ngamaphayona esikhathi sonke?

  • Kunceda ngani ukuba lohlelo lokutshumayela olubhalwe phansi?

  • Kuyini okungenziwa ngabanye ebandleni ukuze bakhuthaze futhi bancedise amaphayona?

  • Yiziphi izibusiso ezitholwa ngamaphayona?

Ngingenzani ukuze ngibe liphayona?