Yeqa uye kokuphakathi

Yeqa uye ku-secondary menu

Yeqa uye kokumunyethweyo

OFakazi bakaJehova

Ndebele (Zimbabwe)

Vukani!  |  No. 3 2017

 KWAZENZAKALELA YINI?

Uboya Bentini Ehlala Elwandle

Uboya Bentini Ehlala Elwandle

INYAMAZANA ezinengi ezihlala emanzini zilamafutha angaphansi kwesikhumba anceda ukuthi zingangenwa ngumqando. Intini ehlala elwandle okuthiwa yi-sea otter yona iphinda incedwe buboya bayo obunengi kakhulu.

Cabanga ngalokhu: Uboya bayo buminyene kakhulu ukwedlula obezinye izinyamazana. Nxa inyamazana le intsheza uboya buyabamba umoya ube seduze lesikhumba sayo. Umoya lo yiwo owenza ukuthi ingangenwa ngumqando ngoba uyavimba ukuthi amanzi angathintani lesikhumba sayo lokuthi igcine umzimba utshisa.

Abezesayensi bayavuma ukuthi ukuhlolisisa uboya benyamazana le kungabanceda kakhulu ekwenzeni izinto ezithile. Sebelungise amajazi amanengi enziwe ngoboya, amanye aloboya obude, amanye uboya buminyaniswe ngendlela ezitshiyeneyo. Bathi bona “nxa uboya buminyene futhi bubude benza ukuthi amanzi angafiki esikhumbeni.” Yikho uboya benyamazana le buyayinceda kakhulu.

Ingcitshi zesayensi zithi zilethemba lokuthi ukuchwayisisa kwazo kuzakwenza benelise ukwenza izigqoko ezigqokwa yilabo abasebenza ngaphansi kwamanzi. Lokhu kwenza abanye bazibuze ukuthi akungcono yini ukuthi abantu abangena emanzini aqandayo bagqoke impahla eziloboya obufana lobenyamazana le.

Ucabangani? Uboya lobu obenza intini le ingangenwa ngumqando bazivelela yini kumbe badalwa?