Xikita nochi

¿Tlen kijtosneki Watch Tower Bible and Tract Society?

¿Tlen kijtosneki Watch Tower Bible and Tract Society?

Watch Tower Bible and Tract Society of Pennsylvania opejki itech xiuitl 1884, uan amo tekiti pampa kitlanis tomin, ijkuak nin opejki omochi ijkon ken kijtoaj tlanauatilmej tlen kinpiaj itech altepetl Pensilvania (Estados Unidos). ITIaixpantijkauan Jehová ijkon okichijkej pampa uelis tetlapouiskej itech nochi Tlaltikpak, kinchijchiuaskej Biblias uan okseki amatlajkuilolmej.

Tlanauatilmej tlen kipia Watch Tower kijtoa kajki pampa “tetlapouis itech toTajtsin Dios, tlamachtis uan tlapaleuis”. “Tetlapouis itech iTlajtol toTajtsin Dios uan tlamachtis Jesucristo ueyi Tekiua itech iTekiuajkayo toTajtsin Dios”, non tlen okachi miak ipati. Ompa uelis tlapaleuiskej akinmej kinyoleuaj uan amo pampa miak tomin kitemakaj. Akinmej ompa tlapaleuiaj uan akinmej tlayekanaj kipaleuiaj Cuerpo Gobernante tlen kipiaj iTlaixpantijkauan Jehová.

Tiktekitiltiaj okseki tokayotl

Amo san tiktekitiltiaj Watch Tower Bible and Tract Society of Pennsylvania, noijki tiktekitiltiaj okseki tokayotl itech okseki uejueyij altepemej. Sekimej kitekitiltiaj tokayotl “La Torre del vigía”, “Watch Tower”, “Watchtower” uan okseki tokayotl.

Ijkuak opejki motekitiltiaj nonmej tokayomej, otikchijkej miak tlamantli ken nikan ijkuilitok:

  • Tikinmijkuiloaj uan tikinchijchiuaj amatlajkuilolmej. Yotikinchijchijkej kanaj 220 millones Biblias uan kanaj 40 mil millones amatlajkuilolmej itech kanaj 700 tlatlamantli tlajtolmej. Itech página tlen tikpiaj itech Internet jw.org tlaltikpaktlakamej ueli kitlajtoltiaj Biblia, itech kanaj 120 tlatlamantli tlajtolmej uan amo itlaj kitlaxtlauaj uan kajsij intlanankilis tlajtlanilmej ken “¿Tlen iTekiuajkayo toTajtsin Dios?”.

  • Titlamachtiaj. Titlamachtiaj ika Biblia. Se neskayotl, itech xiuitl 1943 opejki Tlamachtil ika Biblia tlen kichiua Watchtower itech Galaad, uan nin yokinpaleui kanaj 8,000 iTlaixpantijkauan Jehová ma tekitikan ken misioneros noso ma tlapaleuikan ma motetlapoui itech nochi Tlaltikpak. Noijki sapanoa miakej tlaltikpaktlakamej —miakej amo iTlaixpantijkauan Jehová— kinmachtiaj itech nechikolmej tlen mochiuaj sejse semana. Noijki tikchiuaj Tlamachtil pampa ma kitlajtoltikan se amatl uan ma tlajkuilokan, uan otikchijchijkej se amatlajkuilol itech 110 tlatlamantli tlajtolmej pampa ma kinpaleui.

  • Tikinpaleuiaj oksekimej. Tikinuikiliaj tlen okachi moneki ijkuak mochiua se tlaxixinilistli noso okse ouijkayotl. Se neskayotl, ijkuak omoteuijkej ueyi altepetl Ruanda itech xiuitl 1994, otikinpaleuijkej akinmej ompa otlajyouijkej, noijki otikinpaleuijkej ijkuak otlalolinki itech ueyi altepetl Haití itech xiuitl 2010.

Maski miak tlamantli yomochi ika ninmej uan okseki tokayotl, tinochtin akinmej tikchiuaj ken Cristo moneki titetlapouiskej uan tikinmachtiskej tlaltikpaktlakamej tlen kijtoa Biblia (Mateo 24:14; 28:19, 20). Tejuan tikneltokaj toTajtsin Dios techpaleuia itech nin tekitl uan okachi kiteochiuas (1 Corintios 3:6, 7).