Xikita nochi

Pampa tikitas okse menú

ITlaixpantijkauan Jehová

náhuatl del centro

¿Kanin kisa tomin tlen ika tekitij?

¿Kanin kisa tomin tlen ika tekitij?

Tekitl tlen tikchiuaj mochiua ika tomin tlen kitemakaj iTlaixpantijkauan Jehová ika nochi inyolo. Amo keman motlajtlani tomin itech tonechikoluan. Noijki amo ikaj techiluia ma tiktemakakan diezmo (Mateo 10:7, 8). Tla ikaj kinekis kitemakas seki tomin ika nochi iyolo, uelis kichiuas, uelis kitlalis itech se caja tlen kajki itech kalmej kanin timonechikoaj. Amo moijtoa akin okitemakak tomin.

Uan miak tlamantli tepaleuia amo ma motekitilti miak tomin. Achto, itech totlaneltokalis amo kajki se tlayekanki tlen moneki tiktlaxtlauiskej. Noijki, iTlaixpantijkauan Jehová amo kitlajtlanij tomin ijkuak tetlapouiaj, uan kalmej kanin timonechikoaj amo tlachijchitok ika miak tlamantli.

Tomin tlen motitlani itech kalmej kanin tekitij iTlaixpantijkauan Jehová, motekitiltia pampa kinpaleuiskej akinmej kinpanoa se tlaxixinilistli, pampa kinpaleuiskej misioneros uan tlayekankej tlen kintlajpaloaj tlanechikolmej, pampa mochiuaskej kalmej kanin uelis monechikoskej itech altepemej tlen amo kipiaj tomin. Noijki ika nin tomin kinchijchiuaj uan kintitlanij amatlajkuilolmej uan Biblias.

Sejse kipejpenaj kanin uelis motekitiltis tomin, itech kali kanin timonechikoaj noso itech tekitl tlen mochiua itech nochi Tlaltikpak, noso ojka. Itech nochi tlanechikolmej kinmiluiaj nochtin kech tomin onka uan ijkon uelis kitaskej kech onka.