Xikita nochi

¿Tlen okinpanok iTlaixpantijkauan Jehová ijkuak okintlajyouiltijkej?

¿Tlen okinpanok iTlaixpantijkauan Jehová ijkuak okintlajyouiltijkej?

Ompa Alemania uan okseki altepemej okatkaj kanaj treinta y cinco mil iTlaixpantijkauan Jehová uan nazis okinmiktijkej kanaj mil quinientos tokniuan. Sekimej amo tikmatij tleka okinmiktijkej. Ok kitemoaj keski okinmiktijkej, ik non, xamo ok miakej kinmajsiskej.

 ¿Ken okinmiktijkej?

  • Ika nin tepostli tlen sapanoa tlateki otlakechtsontekiayaj nazis

    Okinmiktijkej. Nazis okinmiktijkej kanaj cuatrocientos iTlaixpantijkauan Jehová ompa Alemania uan itech okseki altepemej. Miakej okinmixkomakakej uan okinkechtsontekej. Oksekimej okinmotlakej ika se tepostli uan oksekimej okinpilojkej uan okinkechtlantilinijkej.

  • Okintlajyouiltijkej ijkuak okintsakej. Nazis okintsakej kanaj mil tokniuan uan sapanoa otlajyouijkej uan omikej. Okinnauatiayaj ma tekipanokan, sapanoa okinuitekej, oapismikej, osekuiayaj, omokokoayaj uan amo okinpajtiayaj. Nochi non tlamantli okinmikti. Oksekimej okinkixtijkej ijkuak otlanki Segunda Guerra Mundial pero oixpolikej porque sapanoa okintlajyouiltijkej ijkuak otsaktokaj.

  • Okinmiktijkej ika okseki tlamantli. Oksekimej tokniuan okinkaltsakej uan okinmiktijkej ika gas, sekimej okintlaliliayaj seki pajtli tlen okintlajyouiltiaya uan okinmiktiaya.

 ¿Tleka okintlajyouiltijkej?

ITlaixpantijkauan Jehová okintlajyouiltijkej porque okitlakamatkej tlen tlamachtia Biblia. Ijkuak nazis okinmiluijkej ma kichiuakan seki tlamantli tlen kixnamiki Biblia, yejuan okijtojkej: “Tejwah tikpiah tiktlakitaskeh tlan Dios kijtoa iwa amo tlan kijtoah n tlakah” (Hechos 5:​29). Ma tikitakan ome tlamantli tleka amo okintlakamatkej nazis.

  1. Amo omokajkalakijkej itech política. Ijkon ken tejuan, yejuan amo omokajkalakijkej itech política (Juan 18:36). Ik non, amo okichijkej nin tlamantli:

  2. Okichiuayaj tlen omomachtiayaj. Maski amo okinkauiliayaj tokniuan ma kichiuakan tlen omomachtiayaj, yejuan:

Se tlamachti itoka Robert Gerwarth, okijto “nazis okintlajyouiltijkej iTlaixpantijkauan Jehová porque omomachtiayaj Biblia”. * Oksekimej tlen noijki okintsakej okintlakaitakej iTlaixpantijkauan Jehová porque yejuan amo keman okixnamikej tlen kijtoa Biblia. Se tlakatl tlen ichan Austria, okijto: “Amo yauij guerra. Yejuan kiseliaj ma kinmiktikan pero yejuan amo temiktiskej”.

 ¿Kanin okinmiktijkej?

  • Nazis okipiayaj kanin otetlajyouiltiayaj. Miakej iTlaixpantijkauan Jehová okinmiktijkej kanin otetlajyouiltiayaj nazis. Okintlajyouiltiayaj ompa Auschwitz, Buchenwald, Dachau, Flossenbürg, Mauthausen, Neuengamme, Niederhagen, Ravensbrück uan Sachsenhausen. Kijtoaj ompa Sachsenhausen okinmiktijkej kanaj doscientos iTlaixpantijkauan Jehová.

  • Okintsakuayaj telpiloyan. Sekimej tokniuan okintlajyouiltijkej ompa telpiloyan uan omikej. Oksekimej amitlaj okijtoayaj ijkuak itlaj okintlajtlaniayaj, ik non, sapanoa okinkojkojkej uan omikej.

  • Nazis okipiayaj kanin otemiktiayaj. Sekimej tokniuan okinmiktijkej ompa Berlin-Plötzensee, Brandeburgo uan Halle/Saale. Onka seki amamej kanin kijtoaj okinpiayaj kanaj sententa kanin nazis okinmiktijkej tokniuan.

 Sekimej iTlaixpantijkauan Jehová tlen okinmiktijkej

  • Itoka: Helene Gotthold

    Okimiktijkej ompa: Plötzensee (Berlín)

    Helene okipiaya inamik uan ome ikoneuan. Miak uelta okikitskijka. 1937 ijtik oixpoliuik ikone porque sapanoa okitlajyouiltijkej ijkuak itlaj okitlajtlanijkej. 8 de diciembre 1944 okikechtsontekej itech se telpiloyan ompa Plötzensee (Berlín).

  • Itoka: Gerhard Liebold

    Okimiktijkej ompa: Brandeburgo

    Gerhard okikechtsontekej 6 de mayo 1943 ijkuak okipiaya 20 xiuitl. Itajtsin yokipiaya ome xiuitl noijki ompa okikechtsontekej. Gerhard okintlajkuilili ikalchanejkauan uan inovia. Okinmilui: “Tla toTeko amo nechpaleuiskia, amo nikxikoskia nin tlamantli”.

  • Itoka: Rudolf Auschner

    Okimiktijkej ompa: Halle/Saale

    Rudolf okikechtsontekej 22 de septiembre 1944 ijkuak okipiaya 17 xiuitl. Okitlajkuilili inantsin uan okilui: “Miakej tokniuan yokixikojkej nin tlamantli uan ne noijki nitlaxikos”.

^ párr. 22 Heydrich: El verdugo de Hitler, página 284.