Xikita nochi

¿Tlen moneki nikchiuas para nimochiuas iTlaixpantijka Jehová?

¿Tlen moneki nikchiuas para nimochiuas iTlaixpantijka Jehová?

Itech Mateo 28:19, 20, TNM Jesús okijto tlen moneki tikchiuas tla tikneki timochiuas iTlaixpantijka Jehová. Ninmej textos kijtoaj tla tiknekij timochiuaskej imachtijkauan Jesús moneki titetlapouiskej itech Jehová.

Se tlamantli tlen moneki tikchiuas: Ximomachti tlen kijtoa Biblia. Jesús okintitlanki imachtijkauan ma tlamachtitij tlen okinmachti (Mateo 28:19, 20, TNM). Itech Biblia moajsi tlen otlamachti Jesús. Nin mitspaleuis xiyolpaki (2 Timoteo 3:​16, 17). Ika nochi toyolo tiknekij xikmati ¿Ken tikchiuaj se tlamachtil ika Biblia? (Mateo 10:​7, 8; 1 Tesalonicenses 2:​13).

Ome tlamantli tlen moneki tikchiuas: Xikchiua tlen timomachtia. Jesús okinmilui imachtijkauan amo san omonekiaya momachtiskej. Noijki omonekiaya kinmachtiskej oksekimej (Mateo 28:20). Nin amo kijtosneki san tikmatiskej tlen kijtoa Biblia. Xamo moneki tikpatlas seki tlamantli tlen timokuayejyekoa uan seki tlamantli tlen tikchiua (Hechos 10:42; Efesios 4:​22-​29; Hebreos 10:24, 25). Akinmej kitlakamatij tlen otlanauati Jesús, kichiuaj ken ye uan motemakaj ixpan Jehová (Mateo 16:24, TNM).

Eyi tlamantli tlen moneki tikchiuas: Ximoapolakti (Mateo 28:19, TNM). Biblia kijtoa ijkuak timoapolaktiaj yetoskia ken itlaj tiktokaj (noijki xikita Romanos 6:​2-4, TNM). Ijkuak timoapolaktiaj kineskayotia ayakmo tikchiuaskej tlen achto otikchiuayaj. Ik non, ijkuak timoapolaktis kijtosneki tikchiuas tlen Jesús okijto uan toTajtsin Dios kineki xikpia chipauak motlalnamikilis (Hebreos 9:​14, TNM; 1 Pedro 3:​21).

¿Ken nikmatis kox yiuelis nimoapolaktis?

Xikinmilui tlayekankej. Yejuan mouan motlapouiskej uan kitaskej kox tikajsikamati tlen tlamachtia Biblia. Noijki kitaskej kox tikchiua tlen timomachtijtok uan kox ika nochi moyolo otimotemakak ixpan Jehová (Hechos 20:28; 1 Pedro 5:​1-3).

¿Nochi nin tlamantli kichiuaj inkoneuan iTlaixpantijkauan Jehová?

Kema. Tejuan tikinmachtiaj tokoneuan “ika tlanonotsálistli iwa ika itlajtol n Toteko” Dios (Efesios 6:4). Pero ijkuak moskaltiskej, yejuan kipejpenaskej kox kineki momachtiskej, kox kiseliskej uan kox kitlakamatiskej tlen kijtoa Biblia uan ijkon uelis motemakaskej ixpan Jehová (Romanos 12:2). Tisejse moneki tikpejpenaskej kox tiknekij tikueyichiuaskej Jehová (Romanos 14:12; Gálatas 6:5).