Xikita nochi

Pampa tikitas okse menú

ITlaixpantijkauan Jehová

náhuatl del centro

¿Tleka amo yauij guerra?

¿Tleka amo yauij guerra?

ITlaixpantijkauan Jehová amo yauij guerras pampa:

  1. ToTajtsin Dios ijkon tlanauatia. Biblia okijto itekipanojkauan toTajtsin Dios “kikuepaskej inespadas tlen ika tlameuaskej” uan ayakmo kimatiskej moteuiskej (Isaías 2:4).

  2. Jesús ijkon tlanauatia. Jesús okinauati tlatitlanil Pedro: “Xiktlaati moespada, porke akimeh kiwikah iespada, noiwa ika espada kinmiktiskeh” (Mateo 26:52). Ijkon Jesús okiteititi itekipanojkauan amo keman moteuiskiaj.

    Cristo noijki okijto itekipanojkauan “ayakmó de nin tlaltíkpaktli”. Ik non, yejuan amo mokajkalakiaj itech política (Juan 17:16). Noijki amo kuali ma kixnamikikan tlen tekiuajkej kinekij kichiuaskej, uan noijki amo kinmiluiaj oksekimej pampa amo ma mochiuakan soldados.

  3. Akinmej kichiuaj ken Cristo moneki kintlasojtlaskej oksekimej. Jesús okinmilui imachtijkauan: “Ne nomechmaka se yankuik tlanawátili: Ximosepantlasojtlakah” (Juan 13:34, 35). Akinmej melauak kichiuaj ken Cristo yetokej ken se ueyi kalchanejkej itech nochi Tlaltikpak, ik non, amo keman moteuiskej iuan inmikniuan (1 Juan 3:10-12).

  4. Achto imachtijkauan Jesús amo oyayaj guerra. Se amochtli kijtoa “achto imachtijkauan Jesús amo otlapaleuiayaj itech guerras nion omochiuayaj soldados”, pampa okimatiayaj non “amo okatka ken Jesús okinnauati, ma motlasojtlakan nochtin noijki akinmej okinkokoliayaj” (Encyclopedia of Religion and War). Uan Edward Gibbon itech iamoch Historia de la decadencia y caída del Imperio romano, okijto: “Akinmej okichiuayaj ken Cristo amo keman okinekiayaj mochiuaskej soldados [...] tla amo okikauayaj se tekitl tlen okachi miak ipati”.

Titlapaleuiaj pampa kuali ma yetokan nochtin

ITlaixpantijkauan Jehová titlapaleuiaj itech altepetl kanin tichantij uan amo keman tikchiuaskiaj itlaj pampa ma tlajyoui toaltepe. Uan noijki tikintlakaitaj tekiuajkej pampa ijkon tiktlakamatij ninmej tlanauatilmej tlen katej itech Biblia.

  • “Nochteh n tlakah moneki makintlakitakah n tekiwajkeh.” (Romanos 13:1.)

  • “Xikmakakah n César tlan iaxka n César, iwa xikmakakah Dios tlan iaxka Dios.” (Mateo 22:21.)

Ik non, tiktlakamatij tlanauatilmej, tiktlaxtlauaj impuestos uan titlapaleuiaj ika tekiuajkej pampa nochi kuali ma yeto.