Xikita nochi

¿Tleka amo kitekitiltiaj cruz?

¿Tleka amo kitekitiltiaj cruz?

Miakej tlaltikpaktlakamej kijtoaj cruz kiteititia akinmej kichiuaj ken Cristo. Pero maski iTlaixpantijkauan Jehová tikchiuaj ken Cristo, amo tiktekitiltiaj cruz nion tikueyichiuaj. ¿Tleka?

Achto, Biblia amo kijtoa Jesús omikik ipan se cruz, kijtoa omikik ipan se kuauitl melajtik. Uan noijki kijtoa: “Amo xikinweyijkachiwakah diosmeh non san kinmachijchiwah”. Uan non kijtosneki amo ma tiktekitiltikan cruz ijkuak tikueyichiuaj toTajtsin Dios (1 Corintios 10:14; 1 Juan 5:21).

Uan Jesús okijto tlen ika kinmixmatiskiaj akinmej kichiuaj ken Cristo, ijkuak okijto: “Tla nomejwah nonmosepantlasojtlah, nochteh n tlaltikpaktlakah nomechitaskeh nomejwah de milajka notlamachtijkawah” (Juan 13:34, 35). Jesús okijto tlasojtlalistli kiteititiskia akinmej melauak kichiuaj ken Cristo, uan amo cruz noso se teotsin.