Xikita nochi

Pampa tikitas okse menú

ITlaixpantijkauan Jehová

náhuatl del centro

¿Tleka amo iluichiuaj itech Domingo de Pascua?

¿Tleka amo iluichiuaj itech Domingo de Pascua?

Tlen kijtoaj uan tlen melauak

Tlen kijtoaj: ITlaixpantijkauan Jehová amo iluichiuaj itech Domingo de Pascua pampa amo tlaneltokaj itech Cristo.

Tlen melauak: Tikmatij san Jesucristo uelis techmakixtis uan timochijchikauaj tikchiuaskej ijkon ken otechititi (1 Pedro 2:21; Lucas 2:11).

Tlen kijtoaj: Namejuan amo nankineltokaj okiyolitijkej Jesús.

Tlen melauak: Amo san tikneltokaj okiyolitijkej Jesús, noijki tikmatij akinmej tikchiuaj ken Cristo moneki titlaneltokaskej itech iyolitilis. Uan itech nin titetlapouiaj miak (1 Corintios 15:3, 4, 12-15).

Tlen kijtoaj: Amo namechyolkokoa amo ma yolpakikan namokoneuan itech Pascua.

Tlen melauak: Tikintlasojtlaj tokoneuan uan timochijchikauaj kuali tikinmachtiskej pampa ma yolpakikan (Tito 2:4).

¿Tleka iTlaixpantijkauan Jehová amo iluichiuaj itech Domingo de Pascua?

  • Costumbres tlen kichiuaj itech seki altepemej itech Domingo de Pascua amo kisaj itech Biblia.

  • Jesús otlanauati ma tikilnamikikan imikilis uan amo ijkuak okiyolitijkej. ITlaixpantijkauan Jehová sejse xiuitl tikilnamikij imikilis itech tonal tlen kijtoa calendario lunar, tlen yiuejkika omotekitiltiaya (Lucas 22:19, 20).

  • Tikmatij miakej costumbres tlen mochiuaj itech Domingo de Pascua —tlen kisa itech miak tlamantli tlen achto okichiuayaj pampa kinpiaskiaj inkoneuan— amo kipaktia toTajtsin Dios. Jehová technauatia ‘san ye ma tikueyichiuakan’, uan moyolkokoa tla tikchiuaj tlen amo kipaktia (Éxodo 20:5; 1 Reyes 18:21).

Kuali tikmatij tlen tikpejpenaj pampa amo tikchiuaskej Domingo de Pascua, Biblia kipaleuia, ik non, amo tikchiuaj. Uan ompa techiluia ‘ma tikmaluikan ixtlamatilistli uan tokuayejyekolis’ uan amo san ma tikchiuakan costumbres (Proverbios 3:21; Mateo 15:3). Uan maski ijkuak techtlajtlaniaj tlen tikneltokaj kuali tikinyekiluiaj, tiktlakaitaj tlen oksekimej kipejpenaj kichiuaskej (1 Pedro 3:15).