Xikita nochi

¿Tlapaleuiaj ijkuak mochiua se tlaxixinilistli?

¿Tlapaleuiaj ijkuak mochiua se tlaxixinilistli?

Kema. ITlaixpantijkauan Jehová nochipa tikinpaleuiaj akinmej tlajyouiaj ijkuak mochiua se tlaxixinilistli. Tikinpaleuiaj iTlaixpantijkauan Jehová uan oksekimej tlaltikpaktlakamej, ijkon ken kijtoa Biblia itech Gálatas 6:10: “Ijkuak weletis tikinpalewiskeh tokniwah tlaneltokakeh, matikinpalewikah”. Noijki tikinyolchikauaj uan tikinpaleuiaj ijkuak okachi moneki (2 Corintios 1:3, 4).

Ken kichiuaj

Ijkuak mochiua se tlaxixinilistli, tlayekankej itech tlanechikolmej mochijchikauaj kinnotsaskej nochtin tokniuan tlen inmiuan monechikoaj, pampa kimatiskej ken katej uan tlen kinpoloa. Ijkuakon, kimatiltiaj kali kanin tekitij iTlaixpantijkauan Jehová ken katej tokniuan uan ken yokinpaleuijkej.

Tla tokniuan itech tlanechikolmej amo uelij kinpaleuiaj tokniuan akinmej tlajyouijtokej, Cuerpo Gobernante tlen kipiaj iTlaixpantijkauan Jehová, kiyektlalia nochi pampa uelis kinpaleuiskej. Kali kanin tekitij iTlaixpantijkauan Jehová kintlaliaj sekimej tokniuan pampa tlapaleuiskej, uan oksekimej tokniuan tlapaleuiaj ika tekitl uan tomin (Proverbios 17:17). Itech achto siglo noijki ijkon omochi ijkuak sekimej sapanoa otlajyouijkej ijkuak otlaapistik (1 Corintios 16:1-4).

Tomin

Seki tomin tlen tiktitlanij itech Kali kanin tekitij iTlaixpantijkauan Jehová, motekitiltia pampa kinpaleuiskej akinmej tlajyouijtokej ijkuak mochiua se tlaxixinilistli (Hech. 11:27-30; 2 Corintios 8:13-15). Uan ken akinmej tlapaleuiaj amo kintlaxtlauiaj, nochi nin tomin motekitiltia pampa kinpaleuiskej akinmej tlajyouijtokej. Uan noijki miak ipati tikmatiskej nochi tomin kuali motekitiltia (2 Corintios 8:20).