Xikita nochi

Pampa tikitas okse menú

ITlaixpantijkauan Jehová

náhuatl del centro

¿Tlen kijtosneki se tlamachtil ika Biblia?

¿Tlen kijtosneki se tlamachtil ika Biblia?

Tlamachtil ika Biblia tlen kitemakaj iTlaixpantijkauan Jehová kinankilia miakej tlajtlanilmej. Nin sekimej:

  • ¿Akin toTajtsin Dios?

  • ¿Melauak motekipachoa notech toTajtsin Dios?

  • ¿Ken uelis okachi kuali nimouikas iuan nonamik?

  • ¿Ken uelis tiyolpakiskej?

Axkan tikinnankiliskej tlajtlanilmej tlen okachi motlajtlaniaj itech tlamachtil ika Biblia.

¿Ken tlamachtiaj? Timomachtiaj Biblia ika tlamachtilmej. Se neskayotl, tla timomachtijtokej itech toTajtsin Dios noso itech namiktilistli, tikintlajtoltiaj tlaxelolmej tlen tlajtoaj itech non tlamantli. Ijkon uelis tikitaskej tlen tlamachtia Biblia, uan tla amo tikajsikamatij se tlaxelol, uelis technankilis Biblia.

Ijkuak timomachtiaj, tiktekitiltiaj amochtli ¿Tlen melauak tlamachtia Biblia?, tlen sapanoa techpaleuia. Techyekiluia tlen kijtoa Biblia itech toTajtsin Dios, Jesús, tlen panos satepan uan miak tlamantli.

¿Kech ipati nin tlamachtil? Amo itlaj tiktlaxtlauas, uan amo tikinnemakaj amatlajkuilolmej tlen ika titemachtiaj.

¿Uejkaua nin tlamachtil? Miakej itech se semana momachtiaj san kanaj se hora. Pero amo nochtin ijkon uejkauaj. Tejuatsin tikijtos san keski minutos uelis timomachtis.

¿Tlen uelis nikchias tla niktlajtlanis se tlamachtil ika Biblia? Se iTlaixpantijka Jehová mitsitati pampa nanmokauaskej keman uan kanin nanmomachtiskej, uan mitsititis ken mochiua se tlamachtil ika Biblia. Tla ok tiknekis timomachtijtos, uelis oksepa mitsitati akin omitstlajpaloto.

Tla nikselis ma nechmachtikan ika Biblia, ¿moneki nimochiuas iTlaixpantijka Jehová? Amo. ITlaixpantijkauan Jehová kinekij kinmachtiskej tlaltikpaktlakamej ika Biblia, uan amo kinchiualtiaj ma panokan inmiuan. Ika miak tlakaitalistli tikinmiluiaj tlen kijtoa Biblia, uan amo tikilkauaj yejuan kijtoskej tlen kineltokaskej uan amo tejuan (1 Pedro 3:15).