Xikita nochi

Pampa tikitas okse menú

ITlaixpantijkauan Jehová

náhuatl del centro

¿Akin okipeualti intlaneltokalis?

¿Akin okipeualti intlaneltokalis?

Itech ninmej tonalmej iTlaixpantijkauan Jehová opejkej itlamian siglo XIX. Itech non kauitl, sekimej opejkej momachtiaj Biblia itech Pittsburgh (Pensilvania, Estados Unidos) uan okijtojkej ken momachtiskiaj tlen kijtoa Biblia. Omomachtijkej uan okitakej tlen otlamachtiayaj oksekimej tlaneltokalismej uan okitakej tlen melauak tlamachtia Biblia. Satepan okitematiltiayaj tlen omomachtiayaj. Okinchijchijkej amochmej, okijkuiloayaj seki tlamachtilmej itech periódicos uan okichijkej se revista tlen axkan moixmati ken Akin Tetlapouijtok. Kitematiltia iTekiuajkayo Jehová.

Se tlakatl tlen omomachtiaya Biblia inmiuan omotokayotiaya Charles Taze Russell. Maski ye opejki kichijchiua Akin Tetlapouijtok uan otlayekanki ma motetlapoui ika Biblia itech nonmej tonalmej, non amo kijtosneki ye okipeualti se yankuik tlaneltokalistli. Russell uan akinmej Momachtiaj Biblia (achto ijkon omotokayotiayaj), okinekiayaj kitematiltiskej tlen melauak itech Jesucristo uan kichiuaskej tlen omoijto itech tlanechikol tlen okatka achto siglo. Uan pampa akin Okipeualti cristianismo ye Jesús, tikmatij ye akin okipeualti totlaneltokalis (Colosenses 1:18-20).