Xikita nochi

Pampa tikitas okse menú

ITlaixpantijkauan Jehová

náhuatl del centro

¿Tleka iTlaixpantijkauan Jehová okipatlakej seki tlamantli tlen achto okineltokayaj?

¿Tleka iTlaixpantijkauan Jehová okipatlakej seki tlamantli tlen achto okineltokayaj?

Tlen tikneltokaj kisa san itech Biblia. Ik non, ijkuak itlaj okachi kuali tikajsikamatij, tikpatlaj tlen tikneltokaj. *

Tlen techiluia Proverbios 4:18 techpaleuia ma tikajsikamatikan tleka moneki ijkon tikchiuaskej: “Pero inmiojui akinmej yolmelauakej kajki ken ijkuak tlanestiuits okachi uan okachi tlanestiuits hasta kuali tlanesi”. Ijkon ken ijkuak tlanestiuits okachi kuali tikitaj tlen onka, ijkon tlen melauak, toTajtsin Dios yolik kinmatiltijtiuits itekipanojkauan (1 Pedro 1:10-12). Uan Biblia okijto toTajtsin Dios ijkon kichiuaskia itlamian tonalmej (Daniel 12:4).

Amo ma techtlajtlachialti nion ma techtekipacho tla itlaj mopatla. Akinmej okitekichiuiliayaj toTajtsin Dios itech achto siglo noijki okipatlakej seki tlamantli tlen achto okineltokayaj.

  • Moisés okinek kinpaleuis israelitas 40 xiuitl achto toTajtsin Dios kiluiskia ma kichiua non tekitl (Hechos 7:23-25, 30, 35).

  • Omoijto Mesías omonekiaya mikis uan oksepa kiyolitiskiaj, tlatitlanilmej amo okajsikamatkej (Isaías 53:8-12; Mateo 16:21-23).

  • Akinmej okichiuayaj ken Cristo itech achto siglo okineltokayaj okse tlamantli keman ualaskia “itonati n Toteko” Jehová (2 Tesalonicenses 2:1, 2).

ToTajtsin Dios okiyektlali tlen omokuayejyekoayaj itekipanojkauan. Uan tiktlatlaujtiaj axkan noijki ijkon ma kichiua (Santiago 1:5).

^ párr. 2 Amo keman tiktlatiaj tlen tikpatlaj. Tikijkuiloaj tlen tikpatlaj uan nochtin tikinmatiltiaj. Se neskayotl, xikita kanin kijtoa “Tlen okachi kuali tikajsikamatij axkan” itech Amatlajkuilolmej tlen kajki itech Internet.