Xikita nochi

¿Tleka iTlaixpantijkauan Jehová ok yauij nechtlajpalotiuij maski yonikinmilui amo nechpaktia tlen tlamachtiaj?

¿Tleka iTlaixpantijkauan Jehová ok yauij nechtlajpalotiuij maski yonikinmilui amo nechpaktia tlen tlamachtiaj?

Tinochtin tiiTlaixpantijkauan Jehová techpaktia tikintlapouiskej oksekimej itech Biblia maski sekimej amo kinekij techkakiskej. ¿Tleka? Porque tiktlasojtlaj toTajtsin Dios uan oksekimej (Mateo 22:37-​39). Tiktlasojtlaj toTajtsin Dios uan non techyolinia nochtin ma tikintlapouikan (Hechos 10:42; 1 Juan 5:3). Ik non, ok titetlapouiaj ken yiuejkika otetlapouiayaj profetas (Jeremías 25:4). Titetlasojtlaj, ik non, tikintlapouiaj oksekimej itech Tekiuajkayotl maski sekimej amo kinpaktia. Pero tlen tikintlapouiaj uelis kinpaleuis ma momakixtikan (Mateo 24:14, TNM).

Ijkuak tiauij inkalijtik akinmej amo kinpaktia ma tikintlapouikan tlen tlamachtia Biblia, ualeua ikaj kisa tlen kineki kimatis tlen tlamachtia Biblia. Nikan kajki seki tlamantli tleka tiauij tekalijtik:

  • Sekimej yauij oksekan chantitiuij.

  • Oksekimej tlen ompa chantij noijki kinekij kimatiskej tlen tlamachtia Biblia.

  • Miakej kipatlaj inyelis. Nochi tlen panotok noso itlaj kinpanoa, kitaj moneki kitemoskej toTajtsin Dios uan kinekij kimatiskej tlen tlamachtia Biblia (Mateo 5:3, TNM). Sekimej axkan amo kinpaktia ma tikintlapouikan tlen kijtoa Biblia. Pero satepan uelis kipatlaskej tlen mokuayejyekoaj ijkon ken okichi tlatitlanil Pablo (1 Timoteo 1:​13).

Pero amikaj tikchiualtiaj ma techkaki (1 Pedro 3:​15). Tikmatij yejuan ineuian kipejpenaskej tlen religión kinekij kipiaskej (Deuteronomio 30:19, 20).