Xikita nochi

¿Tlen mokuayejyekoaj iTlaixpantijkauan Jehová ijkuak akinmej yomonamiktijkej mokajkauaj inmixpan tekiuajkej?

¿Tlen mokuayejyekoaj iTlaixpantijkauan Jehová ijkuak akinmej yomonamiktijkej mokajkauaj inmixpan tekiuajkej?

Akinmej yotimonamiktijkej timoyekanaj ika principios bíblicos uan noijki akinmej kinekij mokajkauaskej inmixpan tekiuajkej. ToTajtsin Dios okichi ma timonamiktikan uan okinekiaya tlakatl uan isiua nochipa san sekan ma yetokan. Biblia kijtoa uelis mokajkauaskej inmixpan tekiuajkej tla se oauilnenki (Mateo 19:​5, 6, 9).

¿ITlaixpantijkauan Jehová kinpaleuiaj akinmej kixnamikij ouijkayotl?

Kema. Nikan kajki seki tlamantli tlen ika kinpaleuiaj:

  • Amatlajkuilolmej. Ninmej amatlajkuilolmej kipiaj miakej tlamachtilmej tlen kinpaleuis akinmej yomonamiktijkej. Noijki kinpaleuis akinmej yimokajkauaskej. Xikintlajtolti ninmej tlamachtilmej: “Cómo fortalecer el sentido del compromiso en el matrimonio”, “Cómo perdonar” uan “Cómo recuperar la confianza perdida”.

  • Nechikolmej. Timonechikoaj chichikometika uan noijki tikinpiaj uejueyij nechikolmej. Ompa timomachtiaj ken kinpaleuia Biblia akinmej yomonamiktijkej.

  • Tlayekankej. Tlayekankej tlen kiyekanaj tlanechikol, kinpaleuiaj akinmej yomonamiktijkej uan kinmiluiaj tlen kijtoa Efesios 5:​22-​25.

¿Tlayekankej kipaleuiaj tla se iTlaixpantijka Jehová kineki kikajkauas inamik inmixpan tekiuajkej?

Amo. Tlayekankej kinpaleuiaj ma kiyektlalikan ouijkayotl tlen kixnamikij. Pero amo kinmiluiaj tlen moneki kichiuaskej (Gálatas 6:5, TNM). Tla ikaj san kinekij kikajkauas inamik inmixpan tekiuajkej, amo uelis oksepa monamiktis (1 Timoteo 3:​1, 5, 12).

¿Tlen mokuayejyekoaj iTlaixpantijkauan Jehová ijkuak mokajkauaj akinmej yomonamiktijkej?

Biblia kijtoa akinmej yomonamiktijkej san sekan ma yetokan maski kixnamikij ouijkayotl (1 Corintios 7:​10-​16). Ouijkayotl uelis kiyektlaliskej tla kiluiskej toTajtsin Dios ma kinpaleui. Pero moneki moyekanaskej ika principios bíblicos uan ma motlasojtlakan (1 Corintios 13:​4-8; Gálatas 5:​22).

Sekimej kikajkauaj innamik porque kintlajyouiltiaj:

  • Amo kinmakaj tlen ika mopanoltiskej inkalchanejkauan (1 Timoteo 5:8).

  • Ijkuak sapanoa kinuitekij (Salmo 11:5).

  • Ijkuak sapanoa kintlajyouiltiaj para amo ma mouikakan iuan toTajtsin Dios. Ualeua sekimej amo kinekij innamik ma kintlakamatikan itlanauatiluan toTajtsin Dios. Ik non, akin kichiua ken Cristo xamo kijtos tla kineki ‘kitlakitas tlan Dios kijtoa iwa amo tlan kijtoah n tlakah’ moneki kikajkauas inamik noso isiua (Hechos 5:​29).