Xikita nochi

¿Keski iTlaixpantijkauan Jehová katej itech nochi tlaltikpak?

¿Keski iTlaixpantijkauan Jehová katej itech nochi tlaltikpak?

Tekitl * tlen otikchijkej tiiTlaixpantijkauan Jehová itech nochi tlaltikpak 2018

Tetlapouiaj

8,579,909

Tlanechikolmej

119,954

Altepemej kanin motetlapouia

240

¿Akinmej nankinpoaj ken iTlaixpantijkauan Jehová?

Tikinpoaj iTlaixpantijkauan Jehová nochtin akinmej tetlapouiaj sejse metstli (Mateo 24:14, TNM). Noijki tikinpoaj iTlaixpantijkauan Jehová nochtin akinmej yomoapolaktijkej uan akinmej amo. Pero ninmej tetlapouiaj.

¿Moneki kitemakas tomin akin kineki mochiuas iTlaixpantijkauan Jehová?

Amo. Tla tiktemakaskej tomin amo techpaleuis ma timochiuakan tiiTlaixpantijkauan Jehová nion techpaleuis ma techmakakan se tekitl itech ialtepe (Hechos 8:​18-​20). Amikaj kimati ijkuak ikaj kitemaka tomin. Nochtin iTlaixpantijkauan Jehová majxiliaj tetlapouiskej uan kitemakaj tomin ika nochi inyolo maski miak noso amo (2 Corintios 9:7).

¿Ken nankimatij iTlaixpantijkauan Jehová sejse metstli tetlapouiaj?

ITlaixpantijkauan Jehová sejse metstli kitemaktiliaj itech intlanechikol keski hora otetlapouijkej.

Nochi nin horas kisetiliaj uan kititlanij Betel uan satepan kititlanij itech kali kanin kinyekanaj iTlaixpantijkauan Jehová.

Sejse xiuitl * moijtoa keski hora otetlapouijkej itech sejse altepetl. Ika nin tlamantli mopaleuiaj uan ijkon kimatiskej keski iTlaixpantijkauan Jehová katej itech nochi tlaltikpak. Itech Internet tikpiaj se página itoka “Por todo el mundo” kanin kijtoa nochi tlen tekitl otikchijkej itech sejse altepetl. Techpaktia tikmatiskej kech tekitl omochi ijkon ken okichiuayaj tokniuan itech achto siglo (Hechos 2:​41; 4:4; 15:3).

¿Noijki nankinpoaj ken iTlaixpantijkauan Jehová akinmej amo tetlapouiaj pero namouan monechikoaj uan nankinmachtiaj?

Maski amo tikinpoaj ken iTlaixpantijkauan Jehová, tiyolpakij touan ma monechikokan. Miakej monechikoaj ijkuak tikilnamikij imikilis Jesús. Non techpaleuia ma tikmatikan keski san touan monechikoaj uan keski iTlaixpantijkauan Jehová. Itech 2018 otimonechikojkej 20,329,317 ijkuak otikilnamikej imikilis Jesús.

Miakej tikinmachtiaj pero amo touan monechikoaj. Itech 2018 sejse metstli okinmachtijkej kanaj 10,079,709. Miakej san sekan otikinmachtijkej.

¿Tleka ijkuak kichiuaj censo kijtoaj okachi miakej katej iTlaixpantijkauan Jehová?

Ijkon panoa porque ijkuak kichiuaj censo, kintlajtlaniaj tlen religión okachi kipaleuiaj. Ma tikitakan tlen okijtojkej akinmej tekipanoaj itech Oficina del Censo de Estados Unidos. Yejuan ijkuak kichiuaj censo kintlajtlaniaj “kox pouij itech se religión”. Kitaj san tlen mokuayejyekoaj uan amo tlen kichiuaj. Pero tejuan tikijtoaj iTlaixpantijka Jehová akin tetlapouia itech Tekiuajkayotl.

^ párr. 2 Tekitl tlen tikchiuaj sejse xiuitl peua tikpoaj 1 de septiembre uan tlami 31 de agosto. Ma kitakan ken tikchiuaj. Itech 2015 opejki tikpoaj 1 de septiembre 2014 uan otlanki 31 de agosto 2015.

^ párr. 16 Tekitl tlen tikchiuaj sejse xiuitl peua tikpoaj 1 de septiembre uan tlami 31 de agosto. Ma kitakan ken tikchiuaj. Itech 2015 opejki tikpoaj 1 de septiembre 2014 uan otlanki 31 de agosto 2015.