Xikita nochi

¿Ken kitaj iTlaixpantijkauan Jehová tlen kimatij ixtlamatkej?

¿Ken kitaj iTlaixpantijkauan Jehová tlen kimatij ixtlamatkej?

TiiTlaixpantijkauan Jehová tiktlakaitaj nochi tlen kijtouaj ixtlamatkej uan tikseliaj tla melauak tlen kijtouaj.

Se diccionario kijtoua ciencia kijtosneki tlen kimatij “ixtlamatkej kikixtiaj itech tlen onka, kitemouaj ken chijchitok nochi tlen onka uan noijki momachtiaj itech non tlamantli” (Clave. Diccionario de uso del español actual). Biblia amo tlajtoua itech tlen kimatij ixtlamatkej. Pero kijtoua seki tlamantli tlen kiteititia ma timomachtikan nochi tlen onka uan ma timopaleuikan ika tlen kijtouaj ixtlamatkej. Ma tikitakan seki tlamantli tlen kiteititia tleka ijkon tikijtouaj:

  • Nochi tlen onka iluikak: “Xiajkotlachiakan iluikak uan xikitakan. ¿Akin okichijchi nochi non tlamantli? Ye kinyekana ken ijkuak ikaj kinyekana miakej soldados uan nochi kinnotsa ika intoka” (Isaías 40:26).

  • Nochi tlen onka tlaltikpak: Salomón “otlajto itech kuajyo, itech cedro tlen kajki Líbano uan hisopo tlen moskaltia itech tepamitl uan noijki otlajto itech yolkamej, totomej, yolkamej tlen motilanaj uan michimej” (1 Reyes 4:​33).

  • Pajtli: “Tlakah chikawakeh amo kimotlakewiah se tlapajti, yej non kokoxkeh” (Lucas 5:​31).

  • Ken tlakajki: “¿Yotikalaki kanin monechikoua setl noso yotikitak kanin monechikoua tesiuitl [...]? ¿Kanin peua moxitinia ejekatl ipan nochi tlaltikpak tlen uits ik kanin kisa tonaltsin?” (Job 38:22-​24).

Itech amatlajkuilolmej tlen tikinpiaj tikteititiaj tiktlakaitaj tlen kimatij ixtlamatkej porque ualeua titlajtouaj itech tlen onka uan tiktekitiltiaj seki tlamantli tlen kimatij. Noijki tiiTlaixpantijkauan Jehová tikinmiluiaj tokoneuan kuali ma momachtikan uan ijkon kajsikamatiskej nochi tlen onka. Sekimej iTlaixpantijkauan Jehová tekipanouaj itech bioquímica, matemáticas uan física.

Ixtlamatkej amo nochi kuali kajsikamatij

Tejuan amo tikneltokaj ixtlamatkej technankiliskej nochi tlen timotlajtlaniaj. * Ma timokuayejyekokan itech nin tlamantli. Ixtlamatkej kitaj ken chijchitok tlaltikpak uan uelis techiluiskej tlen ika chijchitok. Noijki ixtlamatkej kitaj ken chijchitok totlalnakayo uan techiluiaj ken tekitij nochi tlen tikpiaj. Pero ¿tleka tlaltikpak kuali chijchitok para itech ma tichantikan? ¿Tleka totlalnakayo nochi kuali tekipanoua?

Tejuan tikneltokaj san Biblia kuali technankilis (Salmo 139:13-​16; Isaías 45:18). Ik non, tla tiknekij kuali timomachtiskej, moneki tikmatiskej tlen kijtouaj ixtlamatkej uan tlen techmachtia Biblia.

Ualeua xamo miakej kijtouaj motlajtolnamiki tlen kijtouaj ixtlamatkej uan tlen tlamachtia Biblia. Ijkon panoua porque amo kuali kajsikamatij tlen kijtoua Biblia. Ma tikitakan tleka ijkon tikijtouaj. Biblia amo kijtoua tlaltikpak okichijchijkej ipan chikuase tonalmej tlen kipiaj veinticuatro horas (Génesis 1:1; 2:4).

Seki tlamantli tlen kimatij ixtlamatkej amo kiteititia melauak tlen kijtouaj uan oksekimej ixtlamatkej amo kiseliaj. Ma tikitakan tleka ijkon tikijtouaj. Sekimej ixtlamatkej tlen kimatij biología, química uan oksekimej ixtlamatkej, kijtouaj nochi tlen onka amo omochijchijtia ijkon ken opanotia xiuitl. Tejuan noijki ijkon timokuayejyekouaj.

^ párr. 10 Se ixtlamatki tlen ichan Austría uan okitlanki premio Nobel Erwin Schrödinger, okijto: “Ixtlamatkej tlajtouaj itech tlen onka, [...] pero amo technankiliaj tlen tiknekij tikmatiskej”. Noijki Albert Einstein okijto: “Tikmatij seki tlamantli tlen techpaleuia itech tonemilis pero amo techpaleuia kuali ma timouikakan iuan oksekimej”.