Xikita nochi

¿Tleka iTlaixpantijkauan Jehová amo kitokayotiaj iglesia kali kanin monechikoaj?

¿Tleka iTlaixpantijkauan Jehová amo kitokayotiaj iglesia kali kanin monechikoaj?

Tlajtoli griego tlen omotekitilti itech Biblia tlen axkan kijtoaj “iglesia”, kijtosneki se tlanechikol, seki tlaltikpaktlakamej, amo se kali kanin monechikoaj.

Se neskayotl, ijkuak tlatitlanil Pablo okintlajkuilili akinmej okichiuayaj ken Cristo itech Roma, okijto ma kintlajpalokan Áquila uan Priscila, okijto: “Noijki xiktlajpalokan iglesia tlen monechikoaj inkalijtik” (Romanos 16:5, Nueva Versión Internacional). Pablo okijto ma kintlajpalokan seki tlaltikpaktlakamej, tlanechikol tlen omonechikoaya itech non kalijtik. *

Ik non, amo tikiluiaj iglesia kanin timonechikoaj, tikiluiaj Kali kanin monechikoaj iTlaixpantijkauan Jehová.

¿Uan tleka kitokayotiaj Kali kanin monechikoaj iTlaixpantijkauan Jehová?

Onka tlamantli tlen kiteititia tleka kuali kajki ijkon tiktokayotiaj. Nikan kijtoa tleka:

  • Itech nin kali timonechikoaj.

  • Timonechikoaj pampa tikueyichiuaskej Jehová, toTajtsin Dios tlen Biblia itech tlajtoa, uan pampa titetlapouiskej itech (Salmo 83:18; Isaías 43:12).

  • Noijki timonechikoaj pampa okachi timomachtiskej itech iTekiuajkayo toTajtsin Dios itech tlen Jesús otetlapoui miak (Mateo 6:9, 10; 24:14; Lucas 4:43).

Timitsyoleuaj xio itech Kali kanin timonechikoaj ik kanin tichanti, pampa tikitas ken tikchiuaj tonechikoluan.

^ párr. 3 Noijki ijkon kitematiltiaj ninmej tlaxelolmej: 1 Corintios 16:19, Colosenses 4:15 uan Filemón 2.