Amo, amo ijkon kineltokaj. Maski iTlaixpantijkauan Jehová tikneltokaj toTajtsin Dios okichijchi Tlaltikpak, amo tikneltokaj okichijchi itech chikuase tonalmej de 24 horas. ¿Tleka? Pampa sekimej tlen ijkon kineltokaj, kixnamikij tlen kijtoa Biblia. Ma tikitakan ome tlamantli.

  1. Kech uejkaua chikuase tonalmej ijkuak otlachijchijkej. Sekimej kineltokaj sejse tonal ijkuak okichijchijkej Tlaltikpak ouejka 24 horas. Pero itech Biblia ijkuak kijtoa tonal ualeua kijtosneki miak kauitl (Génesis 2:4; Salmo 90:4).

  2. Keski xiuitl kipia Tlaltikpak. Sekimej noijki kineltokaj Tlaltikpak kipia san kanaj keski xiuitl. Pero Biblia kijtoa Tlaltikpak uan semanauak yipa yokatkaj uan satepan opanokej chikuase tonalmej ijkuak otlachijchijkej (Génesis 1:1). Ik non, iTlaixpantijkauan Jehová amo tikixtopeuaj tlen melauak kijtoaj ixtlamatkej, ijkuak kijtoaj Tlaltikpak sapanoa yiuejkika kajki.

Maski iTlaixpantijkauan Jehová tikneltokaj toTajtsin Dios okichijchi nochi tlen onka, amo tikixnamikij ciencia. Okachi kuali, tikitaj tlen Biblia tlamachtia mouika ika tlen kijtoaj ixtlamatkej.