Xikita nochi

¿ITlaixpantijkauan Jehová se tlaneltokalistli protestante?

¿ITlaixpantijkauan Jehová se tlaneltokalistli protestante?

Amo. ITlaixpantijkauan Jehová tikchiuaj ken Cristo, pero amo tiprotestantes.

Miakej kijtoaj iglesias protestantes okixtopejkej tlen tlamachtia Iglesia Católica Romana. Uan maski iTlaixpantijkauan Jehová tikinmixtopeuaj miakej itlamachtiluan Iglesia Católica, amo tiprotestantes. Ma tikitakan ome tlamantli tlen ijkon kiteititia.

  1. Miakej intlamachtiluan protestantes kixnamikij tlen tlamachtia Biblia. Se neskayotl, Biblia amo kijtoa toTajtsin Dios se Trinidad, kijtoa “sanwel onka se Dios” (1 Timoteo 2:5; Juan 14:28). Noijki Biblia amo tlamachtia toTajtsin Dios kintlajyouiltia ijtik tlitl akinmej amo yolkualmej, san kijtoa sepa kinmixpolos (Salmo 37:9; 2 Tesalonicenses 1:9).

  2. Amo tiknekij tikyektlaliskej Iglesia Católica nion okse tlaneltokalistli. Okachi kuali, tiknekij tiktematiltiskej kuali tlajtolmej itech iTekiuajkayo toTajtsin Dios uan tikinpaleuiskej tlaltikpaktlakamej ma kineltokakan nonmej kuali tlajtolmej (Mateo 24:14; 28:19, 20). Amo tiknekij tikyektlaliskej nion se tlaneltokalistli, okachi kuali, tiknekij tikinmachtiskej tlen melauak itech toTajtsin Dios uan itech iTlajtol akinmej techkakij (Colosenses 1:9, 10; 2 Timoteo 2:24, 25).