Xikita nochi

Pampa tikitas okse menú

ITlaixpantijkauan Jehová

náhuatl del centro

¿Pouij itech se secta?

¿Pouij itech se secta?

Amo, iTlaixpantijkauan Jehová amo tipouij itech se secta. Timochijchikauaj miak tikchiuaskej ken Jesús uan tiktlakamatiskej nochi tlen okijto.

¿Tlen kijtosneki se secta?

Tlatlamantli kajsikamatij tlajtoli secta. Ma tikitakan ome tlamantli tlen kineltokaj uan noijki tleka iTlaixpantijkauan Jehová amo se secta.

  • Sekimej kijtoaj se secta peua ijkuak moxeloa itech se tlaneltokalistli uan amo kichiua ken oksekimej. ITlaixpantijkauan Jehová amo otikchijkej se yankuik tlaneltokalistli. Timochijchikauaj tikchiuaskej ken akinmej okichiuayaj ken Cristo itech achto siglo uan tikneltokaskej tlen okineltokayaj, uan non kuali moijtoa itech Biblia (2 Timoteo 3:16, 17). Uan noijki, tikneltokaj san Biblia uelis technauatis ken tikueyichiuaskej toTajtsin Dios.

  • Sekimej kineltokaj itech se secta katej tlen kichiuaj tlen amo kuali uan kitokaj akin kinyekana. ITlaixpantijkauan Jehová amo tiktokaj se tlakatl noso se siuatl, pampa tikilnamiktokej tlen Jesús okinmilui imachtijkauan: “Sanwel Cristo nomechyakana” (Mateo 23:10).

Uan totlaneltokalis, amo kichiua tlen amo kuali, uan amo san tejuan techpaleuia, noijki okseki tlaltikpaktlakamej. Se neskayotl, nochi tlen tiktematiltiaj itech Biblia yokinpaleui miakej tlaltikpaktlakamej ayakmo ma tlauanakan nion ayakmo ma kintekitiltikan drogas. Noijki, itech nochi Tlaltikpak tikinpaleuiaj tlaltikpaktlakamej ma kitlajtoltikan se amatl uan ma tlajkuilokan, uan sapanoa miakej yikitlajtoltiaj se amatl uan yitlajkuiloaj. Noijki titlapaleuiaj ijkuak mochiua se tlaxixinilistli. Timochijchikauaj miak tikinpaleuiskej nochtin, ijkon ken okijto Jesús (Mateo 5:13-16).