Xikita nochi

Pampa tikitas okse menú

ITlaixpantijkauan Jehová

náhuatl del centro

¿Kichiuaj ken Cristo iTlaixpantijkauan Jehová?

¿Kichiuaj ken Cristo iTlaixpantijkauan Jehová?

Kema. Ma tikitakan seki tlamantli tlen ijkon kiteititia:

  • Timochijchikauaj tikchiuaskej ken Jesucristo uan noijki ken otlamachti (1 Pedro 2:21).

  • Tikneltokaj tlen kichiua Jesús miak ipati pampa uelis timomakixtiskej, pampa “mach onka ok se tlakatl akin weletis techmakixtis, porke Dios mach otechmák ok se tlakatl itech nin tlaltíkpaktli para inawak matimomakixtikah” (Hechos 4:12).

  • Ijkuak timochiuaj iTlaixpantijkauan Jehová, timoapolaktiaj itech itoka Jesús (Mateo 28:18, 19, TNM).

  • Tiktlatlaujtiaj Jehová ika itoka Jesús (Juan 15:16).

  • Tikneltokaj Jesús kiyekana tlakatl (1 Corintios 11:3).

Pero onka seki tlamantli tlen kiteititia tejuan amo tikchiuaj ken oksekimej tlen kijtoaj kichiuaj ken Cristo. Se neskayotl, tikmatij Biblia kijtoa Jesús iKone toTajtsin Dios uan amo yetokej se Trinidad (Marcos 12:29). Noijki tikneltokaj alma miki, uan noijki Biblia kijtoa toTajtsin Dios amo kintlajyouiltia ijtik tlitl akinmej yomikej, noijki tikneltokaj tlayekankej teopixkej amo moneki ma kinueyichiuakan (Eclesiastés 9:5; Ezequiel 18:4; Mateo 23:8-10).