Xikita nochi

Pampa tikitas okse menú

ITlaixpantijkauan Jehová

náhuatl del centro

¿Tleka amo kimotlaliliaj estli?

¿Tleka amo kimotlaliliaj estli?

Tlen kijtoaj uan tlen melauak

Tlen kijtoaj: ITlaixpantijkauan Jehová amo kinekij mopajtiskej pampa kijtoaj pajtli amo kinpaleuia.

Tlen melauak: ITlaixpantijkauan Jehová timochijchikauaj tiktemoskej tlen okachi techpajtis. Ijkuak se tokalchanejka noso ikaj mokokoa uan moneki kichiuiliskej se operación, timotlapouiaj iuan akinmej tlapajtiaj tlen amo kitekitiltiaj estli. Uan melauak tikintlasojkamatiliaj pampa axkan yokichijkej miak tlamantli tlen ika tlapajtiskej. Uan tlamantli tlen kitekitiltiaj pampa kinpajtiskej iTlaixpantijkauan Jehová pampa amo kintlaliliskej estli, noijki kitekitiltiaj iuan okseki tlaltikpaktlakamej itech miakej uejueyij altepemej. Axkan miakej uelis kipejpenaskej okseki tlamantli tlen ika kinpajtiskej pampa amo kinmajsis se kokolistli tlen uelis kipias estli, noso pampa motlapololtiaj akinmej tlapajtiaj.

Tlen kijtoaj: ITlaixpantijkauan Jehová mopajtiaj ika intlaneltokilis.

Tlen melauak: Tejuan amo keman timopajtiaj ika totlaneltokilis.

Tlen kijtoaj: Sapanoa patio kisa timopajtiskej kanin amo tikmotlaliliskej estli.

Tlen melauak: Amo patio kisa ijkuak ikaj mopajtia uan amo kitekitiltia estli. *

Tlen kijtoaj: Sejse xiuitl miakej iTlaixpantijkauan Jehová uan noijki konemej, mikij pampa amo kintlaliliaj estli.

Tlen melauak: Tlen kijtoaj amo melauak. Axkan cirujanos kinchiuaj operaciones tlen melauak oui —ken operaciones ortopédicas, itech inyolo uan ijkuak kinpatiliaj órganos— uan amo kitekitiltiaj estli. * Akinmej amo kintlaliliaj estli noijki pajtij noso okachi ken akinmej kintlaliliaj, noijki ijkon panoaj ika konemej. * Uan noijki amo ikaj uelis kijtos tla ikaj kiselis estli uelis mikis noso pajtis.

¿Tleka iTlaixpantijkauan Jehová amo kimotlaliliaj estli?

Pampa tlen tikneltokaj, uan amo pampa akinmej tlapajtiaj. Itech nochi Biblia techiluia amo ma tiktekitiltikan estli, ijkon kijtoa Antiguo uan Nuevo Testamento (Génesis 9:4; Levítico 17:10; Deuteronomio 12:23; Hechos 15:28, 29). Uan noijki toTajtsin Dios kita estli ken yolilistli (Levítico 17:14). Ik non, iTlaixpantijkauan Jehová amo tikseliaj estli pampa tiktlakamatij Biblia, uan ijkon tiktlakaitaj toTajtsin Dios akin otechmakak toyolilis.

Tlen axkan mokuayejyekoaj

Axkan kinchiuaj operaciones tlen oui uan amo kitekitiltiaj estli

Yiuejkika akinmej otlapajtiayaj okijtoayaj tla ikaj amo okinekiaya ma kitlalilikan estli, amo uelis kipajtiskiaj, uan akinmej amo okimotlaliliayaj estli okinmiluiayaj okinekiayaj momiktiskej. Pero axkan okse tlamantli mokuayejyekoaj. Se neskayotl, itech xiuitl 2004 itech se revista de medicina omoijto: “Miak tlamantli tlen ika kinpajtiaj iTlaixpantijkauan Jehová satepan ika kinpajtiskej nochtin”. * Uan itech xiuitl 2010, amochtli Medicina transfusional okijto pampa ijkon tlapajtiaj “satepan ‘cirugía sin sangre’ nochipa kichiuaskej ken ijkuak kinpajtiaj uan amo moneki mokauaskej itech hospital”.

Itech nochi Tlaltikpak, miakej akinmej tlapajtiaj, kintekitiltiaj teposmej pampa amo kipoloskej miak estli, maski melauak oui tlen kichiuaskej. Nochi nin yimochijtok itech miakej uejueyij altepemej, uan miakej maski amo iTlaixpantijkauan Jehová, noijki kiselijtokej.

^ párr. 8 Medicina transfusional, página 14; Transfusion and Apheresis Science, volumen 33, número 3, página 349.

^ párr. 10 Revista Española de Cardiología, volumen 59, número 5, páginas 507 a 509; Acta Médica Colombiana, volumen 26, número 5, página 261; The Journal of Thoracic and Cardiovascular Surgery, volumen 134, número 2, páginas 287 y 288; Texas Heart Institute Journal, volumen 38, número 5, página 563; Basics of Blood Management, página 2; Continuing Education in Anaesthesia, Critical Care & Pain, volumen 4, número 2, página 39.

^ párr. 10 Revista de la Federación Argentina de Cardiología, volumen 34, número 3, páginas 407 y 408; Revista Española de Cardiología, volumen 60, número 7, páginas 727 a 731.

^ párr. 14 Continuing Education in Anaesthesia, Critical Care & Pain, volumen 4, número 2, página 39.