Xikita nochi

¿Tlen kichiua Cuerpo Gobernante tlen kipiaj iTlaixpantijkauan Jehová?

¿Tlen kichiua Cuerpo Gobernante tlen kipiaj iTlaixpantijkauan Jehová?

Cuerpo Gobernante amo miakej tlakamej tlen kiyekanaj tekitl tlen kichiuaj iTlaixpantijkauan Jehová itech nochi Tlaltikpak. Nin tekitl kichiuaj:

  • Kitaj ma mochijchiua tlakuali espiritual tlen uits itech amatlajkuilolmej tlen ika momachtiaj itech innechikoluan uan itech tlamachtilmej tlen kipiaj iTlaixpantijkauan Jehová (Lucas 12:42).

  • Yejuan kiyekanaj tekitl tlen kichiuaj iTlaixpantijkauan Jehová itech nochi Tlaltikpak. Nin kijtosneki kiyekanaj tetlapouilistli uan kitaj kuali ma motekitilti tomin noso okseki tlamantli.

Cuerpo Gobernante kichiuaj ken “tlayakankeh de n tokniwah de Jerusalén” itech achto siglo. Yejuan okijtoayaj tlen mochiuaskia uan nochtin oksekimej tlapejpenalmej ijkon okichiuayaj (Hechos 15:2). Ken nonmej tlakamej, Cuerpo Gobernante amo kimoaxkatiaj ialtepe Jehová, ijkon ken okichijkej tlakamej tlen otlayekanayaj itech achto siglo amo okimoaxkatijkej ialtepe Jehová. Yejuan nochipa kuali momachtiaj iTlajtol toTajtsin Dios uan kuali kimatokej Jehová okitlali Jesús ma kiyekana tlanechikol (1 Corintios 11:3; Efesios 5:​23).

Itech ninmej tonalmej, ¿akinmej pouij itech Cuerpo Gobernante?

Itech metstli enero, xiuitl 2018, okatkaj itech Cuerpo Gobernante Kenneth Cook, Jr, Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson uan David Splane. Nochtin tekitij itech ueyi altepetl Warwick (Nueva York).

¿Ken tekiti Cuerpo Gobernante?

Akinmej pouij itech Cuerpo Gobernante xexelitokej itech chikuase nechikolmej tlen kitaj ma mochiua tlatlamantli tekitl. Sejse kiyekanaj se noso okachi tekitl.

  • Akinmej Tlayekanaj: Kitaj nochi kuali ma yeto inmixpan tekiuajkej uan tlapaleuiaj ijkuak panoa se tlaxixinilistli uan ijkuak ikaj kipia se ouijkayotl pampa amo kikauaj ma poui itech itlaneltokalis. Noso ijkuak moneki totoka ma kinpaleuikan iTlaixpantijkauan Jehová.

  • Akinmej kinpejpenaj akinmej tekitiskej Betel: Kitaj nochtin kuali ma yetokan akinmej tekitij itech kali Betel.

  • Akinmej Tlayekanaj ma mochijchiuakan amatlajkuilolmej: Kitaj ma mochijchiuakan uan ma motitlanikan amatlajkuilolmej tlen kisaj itech Biblia uan kanin uelis mochijchiuaskej kalmej pampa kiueyichiuaskej Jehová, kalmej Betel uan kalmej kanin motlajtolkuepaskej amatlajkuilolmej.

  • Akinmej kiyekanaj Tetlapouilistli: Kitaj ma motetlapoui “itech Tekiuajkayotl [...] itech nochi Tlaltikpak” (Mateo 24:14).

  • Akinmej kiyekanaj Tlamachtilistli: Kitaj ma kipiakan tlen momachtiskej itech tlanechikol, itech Tlamachtilmej pampa akinmej kichiuaj ken Cristo uan noijki tlamachtil ika audio uan video.

  • Akinmej Tlayekanaj ma moijkuilokan amatlajkuilolmej: Kichijchiuaj tlamachtil tlen kisas itech amatlajkuilolmej tlen kisaj itech Biblia uan noijki tlen yetos itech página tlen tikpiaj itech Internet uan kitaj ma mochiua tekitl itech kalmej kanin motlajtolkuepaj amatlajkuilolmej.

Noijki, sejse semana, Cuerpo Gobernante monechikoa pampa kitas tlen moneki kichiuaskej pampa kinpaleuiskej tokniuan. Ijkuak monechikoaj, kitaj tlen kijtoa Biblia uan kikauaj ma kinyekana iespíritu santo toTajtsin Dios. Uan nochtin motlapouiaj uan mokauaj ijkon kichiuaskej (Hechos 15:25).

¿Akinmej kipaleuiaj Cuerpo Gobernante?

Sejse comité tlen poui itech Cuerpo Gobernante kinpiaj akinmej kinpaleuiaj, ninmej tlakamej uelij uan kipiaj ixtlamatilistli pampa kichiuaskej tekitl tlen kinmakaj (1 Corintios 4:2). Yejuan monechikoaj sejse semana iuan Cuerpo Gobernante. Maski amo yejuan kipejpenaj tlen kichiuaskej, kema kijtoaj tlen mokuayejyekoaj itech tlen uelis kichiuaskej itech se tlamantli uan kitaj ma mochiua tlen omoijto uan ken tlapaleuijtok Cuerpo Gobernante uelis kinmiluiskej ninmej tlakamej ma yakan ma kinmitatij oksekimej tokniuan tlen katej itech okseki uejueyij altepemej noso ma tlamachtikan itech seki nechikolmej tlen mochiuaj sejse xiuitl noso ken ijkuak tlami Tlamachtil ika Biblia tlen kichiua Watchtower itech Galaad.

INTOKA AKINMEJ TLAPALEUIAJ

Comité

Tokayomej

Akinmej Tlayekanaj

  • John Ekrann

 

Akinmej kinpejpenaj akinmej tekitiskej Betel

  • Gerald Grizzle

  • Patrick LaFranca

  • Daniel Molchan

  • Ralph Walls

 

Akinmej Tlayekanaj ma mochijchiuakan amatlajkuilolmej

  • Don Adams

  • Robert Butler

  • Harold Corkern

  • Gajus Glockentin

  • Donald Gordon

  • Robert Luccioni

  • Alex Reinmueller

  • David Sinclair

 

Akinmej kiyekanaj Tetlapouilistli

  • Gary Breaux

  • Joel Dellinger

  • Seth Hyatt

  • Christopher Mavor

  • Baltasar Perla, Jr.

  • William Turner, Jr.

  • Leon Weaver , Jr.

 

Akinmej kiyekanaj Tlamachtilistli

  • Ronald Curzan

  • Kenneth Flodin

  • William Malenfant

  • Mark Noumair

  • David Schafer

 

Akinmej Tlayekanaj ma moijkuilokan amatlajkuilolmej

  • Robert Ciranko

  • James Mantz

  • Izak Marais

  • Leonard Myers

  • Gene Smalley

  • Hermanus van Selm