Xikita nochi

Pampa tikitas okse menú

ITlaixpantijkauan Jehová

náhuatl del centro

¿ITlaixpantijkauan Jehová kipatlaj tlen kijtoa Biblia pampa ma kinamiki tlen kineltokaj?

¿ITlaixpantijkauan Jehová kipatlaj tlen kijtoa Biblia pampa ma kinamiki tlen kineltokaj?

Amo keman ijkon tikchiuaj. Okachi kuali, ijkuak tikajsikamatij tlen tikneltokaj amo ijkon ken tlamachtia Biblia, tikpatlaj tlen tikneltokaj.

Nochi tlen tikneltokaj kisa itech iTlajtol toTajtsin Dios. Maski opejki tikchijchiuaj Traducción del Nuevo Mundo itech xiuitl 1950, achto kuali yotimomachtiayaj Biblia. Ik non, otikintekitiltiayaj okseki Biblias tlen okatkaj. Ma tikitakan seki tlamantli tlen achto otikneltokayaj ijkuak ayamo otikpiayaj Traducción del Nuevo Mundo. Uan xikita kox tlen tikneltokaj ijkon tlamachtia Biblia.

  1. Tlen tikneltokaj: toTajtsin Dios amo se Trinidad. Se revista Zion’s Watch Tower (axkan ika náhuatl del centro Akin Tetlapouijtok) de julio de 1882 okijto: “Akinmej kintlajtoltiaj toamatlajkuiloluan kuali kimatij tejuan titlaneltokaj itech Jehová, Jesús uan espíritu santo. Pero amo tikneltokaj ninmej ma yetokan san se, noso ken sekimej kijtoaj itech toTajtsin Dios katej eyi, pampa amo ijkon tlamachtia Biblia”.

    Tlen kijtoa Biblia: “Jehová toDios, san se Jehová” (Deuteronomio 6:4, Reina-Valera [RV], 1865). “Tejwah san se Dios tikpiah, Totajtsi. Totajtsi okichijchi nochi tlan onka, iwa tejwah tiyolitokeh para Ye. Onka san se Toteko, Ye n Cristo Jesús” (1 Corintios 8:6, Itlajtol Totajtsin Dios, [NPL]). Uan Jesús noijki okijto: “Notajtsi okachi weyijkatitok ke Ne” (Juan 14:28, NPL).

  2. Tlen tikneltokaj: akinmej amo yolkualmej amo tlajyouiaj ijtik tlitl. Revista Zion’s Watch Tower de junio de 1882 tlen okipiaya se tlamachtil tlen itoka: “Porke n tlajtlákoli tetlaxtlawia ika mikílistli”. Ninmej tlajtolmej omokixtijkej itech Romanos 6:23, tlamachtil okijtoaya: “¡Ninmej tlajtolmej amo oui moajsikamatij! Amo ueli moajsikamati tleka miakej maski kineltokaj Biblia iTlajtol toTajtsin Dios mochijchikauaj kixnamikiskej ninmej tlajtolmej. Yejuan kineltokaj uan kijtoaj Biblia tlamachtia ijkuak ikaj miki tlajyouijtos nochipa ijtik tlitl”.

    Tlen kijtoa Biblia: “Alma tlen tlajtlakolchiuas, mikis” (Ezequiel 18: 4, 20, RV, 1865). Akinmej kikokoliaj toTajtsin Dios amo tlajyouiskej nochipa, ye “sepa kinmixpolos”, noso “iksemi ixpoliuiskej” ijkon ken kijtoa Biblia Nácar-Colunga de 1944 itech 2 Tesalonisenses 1:9.

  3. Tlen tikneltokaj: iTekiuajkayo toTajtsin Dios se Tekiuajkayotl, uan amo itlaj tlen tikpiaj itech toyolo. Revista Zion’s Watch Tower de diciembre de 1881 okijto nin tlamantli itech iTekiuajkayo toTajtsin Dios: “Ijkuak motlalis nin Tekiuajkayotl kinmixpolos nochtin tekiuajkej tlen katej itech Tlaltikpak”.

    Tlen kijtoa Biblia: “Uan ijkuak tlanauatijtoskej nonmej ueyi tekiuajkej toTajtsin Dios tlen kajki iluikak kitlalis se tekiuajkayotl, tlen amo keman kixpoloskej, uan nin tekiuajkayotl amo kiuikaskej itech okse altepetl: okachi kuali kinxitinis uan kintlajtlamis ninmej tekiuajkej: uan ye nochipa yetos” (Daniel 2:44, Scío de San Miguel, 1850).

¿San Traducción del Nuevo Mundo kipaleuia tlen kineltokaj iTlaixpantijkauan Jehová?

Amo, iTlaixpantijkauan Jehová tikintekitiltiaj miakej Biblias pampa tiktematiltiskej tlen tikneltokaj. Uan ijkuak ikaj tikiluiaj tikmachtiskej uan amo kitlaxtlauas noijki tikmakaj Traducción del Nuevo Mundo tlen amo kitlaxtlaua. Pero tla ikaj kineki momachtis ika okse Biblia, amo itlaj tikiluiaj.