Xikita nochi

¿Tleka tiiTlaixpantijkauan Jehová amitlaj tikijtoaj ijkuak techteluiaj?

¿Tleka tiiTlaixpantijkauan Jehová amitlaj tikijtoaj ijkuak techteluiaj?

TiiTlaixpantijkauan Jehová tiktlakamatij Biblia ijkuak kijtoa amo ma titlananankilikan ijkuak techteluiaj noso ijkuak techpinauiaj. Biblia kijtoa san timopinatiskej tla tiknanankiliskej akin techpinauia (Proverbios 9:​7, 8; 26:4). Amitlaj tikijtoaj ijkuak ijkon techchiuiliaj porque tejuan okachi tikpatioitaj tikyolpaktiskej toTajtsin Dios (Salmos 119:69).

Noijki Biblia kijtoa onka “kauitl para amitlaj se kijtos uan onka kauitl para se tlajtos” (Eclesiastés 3:7). Ik non, san timotlapouiaj iuan akinmej kinekij techkakiskej pero amo timotsatsajtsiliaj. Ijkon tikchiuaj tlen otlamachti Jesús uan noijki ijkon okichijkej tokniuan tlen okatkaj itech achto siglo.

  • Jesús amitlaj okijto ijkuak okiteluitoj iuan Pilato (Mateo 27:11-​14; 1 Pedro 2:​21-​23). Noijki amitlaj okijto ijkuak okiteluijkej san otlauanaya uan sapanoa otlakuaya. Ye okijto: “Ixtlamatilis Dios moixmati ika tlan kichiwah ipilwah akimeh kitlakitah” (Mateo 11:19). Pero ijkuak omonekiaya, otlajtoaya ken omonekiaya uan okatka yolchikauak (Mateo 15:​1-3; Marcos 3:​22-​30).

    Jesús okinmachti imachtijkauan amo ma moyolkokokan ijkuak ikaj kinteluiskia. Okinmilui: “Mapakikah ijkuak fiero kintenewah, kintotojtokaskeh iwa kinwikaltiskeh por nechtlakitah” (Mateo 5:​11, 12). Jesús noijki okijto ijkuak ikaj kinteluiskia, non kinpaleuiskia okachi ma tetlapouikan. Ijkuak ijkon panoskia Jesús kichiuaskia nin tlamantli: “Ne nomechinmakas n tlájtolteh non nomejwah nonkintenkixtiskeh, iwa nion se de akin nomechkokolia kixikos nion nomechtlajtolkopas” (Lucas 21:12-​15).

  • Tlatitlanil Pablo okinmilui tokniuan amitlaj ipati tla mokualaniskiaj iuan oksekimej (Tito 3:9; Romanos 16:17, 18).

  • Tlatitlanil Pedro okinmilui akinmej okichiuayaj ken Cristo ma yetokan yolchikauakej ijkuak kintlajtlaniskiaj tlen kineltokaj (1 Pedro 3:​15). Ijkuak ijkon kinpanoskia okachi ipati kiteititiskia tlen kichiuaj uan amo tlen okijtoayaj. Pedro okijkuilo: Porke Dios kineki xikchiwakah tlan kuali, para nonkinkamatsakuaskeh akimeh amitla kimatih iwa kuamímikteh” (1 Pedro 2:​12-​15).