Xikita nochi

Pampa tikitas okse menú

ITlaixpantijkauan Jehová

náhuatl del centro

ITlaixpantijkauan Jehová okachi san niman pajtij

ITlaixpantijkauan Jehová okachi san niman pajtij

AUSTRALIA. Periódico The Sydney Morning Herald, tlen omochijchi itech tonal 2, metstli octubre, xiuitl 2012, okijto: “ITlaixpantijkauan Jehová tlen mopajtijtokej itech hospital —akinmej amo kiseliaj ma kintlalilikan estli pampa tlen kineltokaj— okachi san niman pajtij, amo ken oksekimej”.

Itech tlen okijto James Isbister, profesor clínico itech Escuela de Medicina de Sydney (Universidad itech altepetl Sydney), nin periódico okijto: “Isbister okijto ken okinpajtijkej iTlaixpantijkauan Jehová pampa amo okachi kipoloskej estli, okachi kuali. Ik non, okachi san niman opajtikej uan amo miak kauitl okatkaj itech hospital pampa ma kinmaluikan, uan akinmej okintlalilijkej estli ijkuak okinchiuilijkej se operación amo niman opajtikej”.

Uan amo san Isbister, akin tlapajtia, ijkon mokuayejyekoa. Noijki revista Archives of Internal Medicine, tlen omochijchi itech tonal 13, metstli agosto, xiuitl 2012, otlajto itech iTlaixpantijkauan Jehová tlen okinchiuilijkej se operación itech inyolo, okijto: “ITlaixpantijkauan Jehová amo okachi oui okinpajtijkej uan amo okachi ouejkajkej itech hospital, uan akinmej okintlalilijkej estli amo san niman opajtikej”.