Xikita nochi

Pampa tikitas okse menú

ITlaixpantijkauan Jehová

náhuatl del centro

Timitsyoleuaj xitlaixmatiti kanin tekitij iTlaixpantijkauan Jehová itech ueyi altepetl Estados Unidos

Timitsyoleuaj xitlaixmatiti kanin tekitij iTlaixpantijkauan Jehová itech ueyi altepetl Estados Unidos

“¡Sapanoa otechyolpakti ijkuak otitlaixmatitoj, nochipa tikilnamiktoskej!” Ijkon okijto se namiktilistli tlen chantij itech altepetl Vanuatu ijkuak otlaixmatitoj itech Kali kanin tekitij iTlaixpantijkauan Jehová itech ueyi altepetl Estados Unidos. Kanaj 80,000 tlaltikpaktlakamej tlen tlaixmatitiuij sejse xiuitl noijki ijkon momachiliaj.

¿Yotitlaixmatito itech Kali kanin tekitij iTlaixpantijkauan Jehová itech ueyi altepetl Estados Unidos? Tla ayamo tio, timitsyoleuaj xitlaixmatiti.

¿Tlen tikitas itech ninmej eyi kalmej?

Itech altepetl Brooklyn (Nueva York) kinyekanaj iTlaixpantijkauan Jehová. Ijkuak titlaixmatiti, tikmatis ken kiyekanaj tekitl tlen kichiuaj uan ken tlapaleuiaj pampa okachi ma motetlapoui kuali tlajtolmej itech nochi Tlaltikpak. Noijki tikitas ome tlamantli. Achto itoka “Se altepetl tlen kipia itoka Jehová”, itech nin tlajtoa itech ialtepe Jehová tlen okatka yiuejkika uan hasta itech ninmej tonalmej. Uan okse itoka “Biblia uan itoka toTajtsin Dios”, kiteititia seki Biblias tlen kipiaj itoka toTajtsin Dios, Jehová.

Itech altepetl Patterson (Nueva York) momachtiaj. Okachi tikmatis itech tlamachtil tlen nikan motemaka, ken Tlamachtil ika Biblia tlen kichiua Watchtower itech Galaad uan Tlamachtil pampa akinmej tlayekanaj itech Betel. Noijki mitsititiskej seki videos uan okseki tlamantli tlen tlajtoaj itech tekitl tlen nikan kichiuaj ken kanin kinchijchiuaj Tlaixkopinalmej, Asuntos Legales, kanin kinchiuaj Grabaciones ika audio uan video uan kanin kiyekanaj Tetlapouilistli.

Itech altepetl Wallkill (Nueva York) kinchijchiuaj uan kintitlanij amatlajkuilolmej. Ijkuak titlaixmatiti tikitas ken kinchijchiuaj Biblias uan amatlajkuilolmej. Tikitas ken kintlaliliaj pastas uan satepan kintitlanij itech tlanechikolmej itech ueyi altepetl Estados Unidos, el Caribe iuan itech okseki altepemej.

¿Uejkaua se tlaixmatis?

Itech altepetl Brooklyn kanaj se hora, Patterson kanaj ome horas uan Wallkill kanaj se hora uan tlajko.

¿Akinmej tetlaixmatiltiaj?

Nochtin akinmej ompa tekitij tlapaleuiaj pampa ma tlaixmatikan. Yejuan kitaj nin ken okachi tlapaleuijtokej pampa okachi tlamachtiskej. Hasta itech metstli mayo, xiuitl 2014, tekititokej kanaj 6,000 tlaltikpaktlakamej itech ninmej eyi kalmej uan kanaj 3,700 yokinmachtijkej ken uelis tetlaixmatiltiskej itech ninmej kalmej. Uan kichiuaj ika kanaj 40 tlatlamantli tlajtolmej.

¿Motlaxtlatlaua?

Amo motlaxtlaua.

¿Moneki timochiuas tiiTlaixpantijka Jehová pampa uelis titlaixmatiti?

Amo. Miakej akinmej tlaixmatitiuij amo iTlaixpantijkauan Jehová. Nochtin uelis kimatiskej ken kiyekanaj tekitl tlen kichiuaj iTlaixpantijkauan Jehová.

Se siuatl musulmana tlen chanti itech ueyi altepetl India otlaixmatito itech altepetl Patterson. Okijto: “Nechpaktiskia nikan niyetos. Niktlasojkamati pampa nochtin okiteititijkej nechtlakaitaj”.

¿Uelis tlaixmatitiuij konemej?

Kema. Konemej tlen tlaixmatitiuij uelis kinpaleuis miak. John, akin chanti itech ueyi altepetl Estados Unidos, ijkuak otlaixmatito okijto: “Ijkuak otimokuepkej tokalijtik, konemej tlen inmiuan otitlaixmatitoj sapanoa omotlapouiayaj itech tlen okitakej. Ijkuak ayamo otiayaj, amo kuali okimatiayaj tlen kichiuaj itech Betel, pero axkan kijtoaj kinekij tekitiskej itech Betel ijkuak moskaltiskej”.

¿Uelis titlaixmatitiuij itech okseki uejueyij altepemej kanin tekitij iTlaixpantijkauan Jehová?

Kema. Uelis titlaixmatitiuij itech miakej uejueyij altepemej. Pampa tikmatis kanin uelis tias, xitlatemo itech sección “Kali kanin mitsititiskej ken titekitij”. Ika miak pakilistli timitsyoleuaj xitlaixmatiti itech Kali kanin tekitij iTlaixpantijkauan Jehová.