Xikita nochi

Pampa tikitas okse menú

ITlaixpantijkauan Jehová

náhuatl del centro

Tlaixkopinalmej sapanoa tlapaleuiaj

Tlaixkopinalmej sapanoa tlapaleuiaj

¿Ken tlapaleuiaj tlaixkopinalmej? Ma tikitakan ken okichijchijkej ixko revista ¡Despertad! de septiembre 2015 tlen itoka “¿Cuánto importa el dinero?”, ijkon tikmatiskej nochi tekitl tlen kichiuaj. *

  • ¿Ken mochijchiuaj? Itech Centro Educativo de la Watchtower itech Patterson (Nueva York, Estados Unidos), katej akinmej kinchijchiuaj tlaixkopinalmej yejuan okitlajtoltijkej ixko revista uan okintlalilijkej seki tlaixkopinalmej. Satepan, okinmititijkej Akinmej Tlayekanaj ma moijkuilokan amatlajkuilolmej tlen kipia Cuerpo Gobernante uan okipejpenkej tlen tlaixkopinal okachi kinamikiskia.

    Seki inmixko amatlajkuilolmej tlen okitakej Akinmej Tlayekanaj ma moijkuilokan amatlajkuilolmej.

  • ¿Kanin kinkixtiaj? Amo okinkixtijkej tlaixkopinalmej itech se banco. Akinmej kinkixtiaj tlaixkopinalmej okintekitiltijkej recepciones tlen kinpia Centro Educativo de la Watchtower. *

  • ¿Akinmej kinkixtiliaj tlaixkopinalmej? Kintekitiltiaj iTlaixpantijkauan Jehová uan yejuan kichiuaj ken tekitij itech se ueyi banco. Kuali kitaj akinmej kintekitiltiskej para amo nochipa san yejuan ma motakan itech amatlajkuilolmej.

  • ¿Tlen kitekitiltiaj? Para amo ma mota banco kajki Estados Unidos, akinmej kinchijchiuaj tlaixkopinalmej okitemojkej tomin tlen amo motekitiltia itech non altepetl. Tlen kitekitiltiaj akinmej kinkixtiaj tlaixkopinalmej melauak kinpaleuia ma mota katej itech non altepetl. Craig akin kinkixtia tlaixkopinalmej kijtoa: “Amo ijkuak yitikinkixtijtokej tlaixkopinalmej yikin tiktemoskej tlen moneki”.

  • ¿Ken motlakentiaj? Ijkuak okinkixtijkej ninmej tlaixkopinalmej, akinmej ompa motaj okonakijkej intlaken tlen inmiaxka. Pero tla moneki motlakentiskej ken yiuejkika, akinmej kinchijchiuaj tlaixkopinalmej kitaj ken omotlakentiayaj uan noijki kichijchiuaj tlakemitl. Uan akinmej kinkixtiliskej tlaixkopinalmej kintlapaluiaj ken yiuejkika uan ken moneki. Craig kijtoa: “Ken axkan katej okachi yankuikej cámaras para tikinkixtiskej tlaixkopinalmej, moneki okachi kuali titlayektlaliskej. Tlamo maski san itlaj ika tsikitsin, uelis ijtlakauis tlaixkopinal”.

  • ¿Ken kinkixtiaj tlaixkopinalmej? Akinmej okinkixtijkej tlaixkopinalmej okintekitiltijkej lámparas para ma mota tlanestok itech banco. Ijkuak kinkixtijtiuij tlaixkopinalmej moneki kitaskej ma mota tlauili ken moneki (tlanestok noso yoak) noijki okitakej tlauili tlen ompa kipiaj para kuali ma tlamota. Craig kijtoa: “Tlaixkopinalmej amo ken videos porque moneki titlayektlaliskej san para se tlaixkopinal. Ik non, moneki kuali tlanestos”.

  • ¿Ken okinyektlalijkej? Tomin tlen ompa mota okichijkej amo kuali ma mota para akinmej kitlajtoltiskej revista ma kitakan akin ompa mota uan ma kitakan tomin. Uan maski imarco kaltlatsakuil okatka chichiltik uan ventanas, okintlapaluijkej xoxoktik para ma kinamiki revista.

Amo san itech Patterson kinkixtiaj tlaixkopinalmej noijki itech okseki altepemej katej akinmej kinkixtiaj tlaixkopinalmej ken itech: Alemania, Australia, Brasil, Canadá, Corea, Japón, Malaui, México uan Sudáfrica, yejuan kinualtitlanij tlaixkopinalmej para kintlaliliskej amatlajkuilolmej. Akinmej kinchijchiuaj tlaixkopinalmej sejse metstli kintlatijtiuij kanaj 2,500 tlaixkopinalmej. Miakej kisaj itech revista Akin Tetlapouijtok uan ¡Despertad! uan itech 2015 okinchijchijkej kanaj 115 millones revistas. Tla tikneki tikmatis okachi, timitsyoleuaj xitechtlajpaloti ompa Patterson noso uelis tias itech okse kali kanin tekitij iTlaixpantijkauan Jehová.

Kitemakatokej revista ijkuak tetlapouiaj.

^ párr. 2 Amo nochi tlaixkopinalmej motekitiltiaj para inmixko revistas. Miakej kintlatiaj uan satepan kintekitiltiskej.

^ párr. 4 Ijkuak kinkixtiaj tlaixkopinalmej itech ojtli, akinmej kinchijchiuaj tlaixkopinalmej moneki kinmiluiskej tekiuajkej kox kinkauiliskej kinkixtiskej tlaixkopinalmej uan kinmiluiaj keski ompa tekitiskej uan tlen kitekitiltiskej.

Ninmej tlaixkopinalmej okinmitakej Akinmej Tlayekanaj ma moijkuilokan amatlajkuilolmej.

Se iTlaixpantijka Jehová kitemakas se revista.